Наладкі
Наладкі шрыфта
Arial
Times New Roman
Памер шрыфта
A
A
A
Iнтэрвал памiж лiтарамі
Паменшаны
Стандартны
Вялікі
Каляровая схема
Чорным
па белым
Белым
па чорным
Расонскі раённы выканаўчы камітэт

Прывітанне

Мы рады вітаць вас на афіцыйным сайце Расонскага раённага выканаўчага камітэта!

Мы рады вітаць вас на афіцыйным сайце Расонскага раённага выканаўчага камітэта!

"Расоны-расінкі світання на цёплай далоні лясоў". Менавіта так калісьці ўбачыў Расоншчыну вядомы беларускі паэт Давід Сімановіч, які здолеў перадаць некалькімі словамі дзіўную прыгажосць прыроды нашага краю і прыгажосць душы яго жыхароў.

Раён быў сведкам і арэнай многіх гістарычных падзей. Тут праходзілі палкі Івана Грознага. У гады Лівонскай вайны ў 1566 годзе закладзена крэпасць "Сокал". Пад Клясціцамі 18 ліпеня 1812 года авангард рускага корпуса Вітгенштэйна пад камандаваннем генерала Якава Пятровіча Кульнева нанёс паражэнне французскаму корпусу маршала Удзіно, і папярэдзіў нашэсце Напалеона на Пецярбург. У вёсцы Тродавічы невялікім маёнткам і нерухомасцю валодалі браты Іван і Францыск Скарыны. У 1936 годзе на Расоншчыне нарадзіўся беларускі паэт Генадзь Бураўкін. На беразе возера Нешчарда ў веске Мурагі прайшло дзяцінства і юнацтва вядомага беларускага літаратара Яна Баршчэўскага. Расонскі раён-край Партызанскай славы. Адным з арганізатараў і кіраўнікоў падполля і партызанскага руху быў настаўнік Расонскай сярэдняй школы Пётр Міронавіч Машэраў.

Расонскі раён сёння - гэта без малога дзве тысячы квадратных кіламетраў плошчы, 128 населеных пунктаў, 192 возера. Гэта гасцінныя, энергічныя і таленавітыя людзі, якія працуюць у розных галінах народнагаспадарчага комплексу, працягваючы слаўныя традыцыі сваіх дзядоў і прадзедаў. На тэрыторыі раёна дзейнічаюць 25 аграсядзібы, створаныя і прымаюць турыстаў "Зялёныя маршруты".

Наш сайт дазволіць вам многае даведацца пра раён, яго гісторыі, прыродзе, пазнаёміць з працай асноўных прадпрыемстваў і ўстаноў.

Жадаю ўсім жыхарам і гасцям моцнага здароўя, творчых поспехаў, міру і дабрабыту!

Сардэчна запрашаем у Расонскі раён!

Старшыня Расонскага раённага выканаўчага камітэта
У.У. Быкаў