На камерцыйныя арганізацыі і індывідуальных прадпрымальнікаў, зарэгістраваных і ажыццяўляючых на тэрыторыі Расонскага раёна дзейнасць па вытворчасці тавараў (выкананні работ, аказанні паслуг), распаўсюджваецца дзеянне прэферэнцыйных рэжымаў.

Вызваленне ад:

• Падатку на прыбытак (вызваленне на 7 гадоў з даты дзяржаўнай рэгістрацыі, па рэалізацыі тавараў (работ, паслуг) уласнай вытворчасці);
• Падатку на нерухомасць (вызваленне на 7 гадоў з даты дзярж. рэгістрацыі па будынках і збудаваннях);
• Мытных пошлін (вызваленне ад увознай мытнай пошліны ў дачыненні да ўвозімых (увезеных) тавараў, якія ўносяцца ў статутны фонд, з даты вырабу якіх прайшло не больш за 5 гадоў па некаторых таварных пазіцыях);
• Падаходнага падатку (вызваленне на 7 гадоў);
• Дзяржаўных пошлін (вызваленне за выдачу спецыяльнага дазволу (ліцэнзіі) на ажыццяўленне юрыдычнымі і фізічнымі асобамі асобных відаў дзейнасці (у тым ліку звязанай са спецыфічнымі таварамі (працамі, паслугамі), унясенне ў яго змен і (або) дапаўненняў, падаўжэнне тэрміну яго дзеяння);
• Мясцовых падаткаў і збораў

Іншыя льготы:

• Права не вылічваць і не плаціць іншыя падаткі, зборы (пошліны).
• Абласныя Саветы дэпутатаў могуць устанаўліваць паніжальныя каэфіцыенты ў памеры не больш за 0,5 да ставак адзінага падатку.
• Вызваленне ад абавязковага заключэння здзелак на біржавых таргах.
• Права самастойна вызначаць пастаўшчыкоў (падрадчыкаў, выканаўцаў) або пакупнікоў прадукцыі, тавараў (работ, паслуг).
• Права самастойна вызначаць умовы, аб'ёмы, віды закупляемай сыравіны, камплектуючых і матэрыялаў, а таксама ўмовы, аб'ёмы і віды рэалізацыі вырабленай прадукцыі, тавараў (работ, паслуг) уласнай вытворчасці.