Парк аўтамабіляў хуткай дапамогі Віцебшчыны папоўнілі 33 новыя аўтамабілі
Папаўненне аўтапарка дазволіць максімальна аптымізаваць працу па завяршэнні цэнтралізацыі службы СМП Віцебскай вобласці.
– Мадэрнізацыя службы хуткай дапамогі ў Віцебскай вобласці працягваецца. Усяго сёлета закуплена 45 аўтамабіляў: 12 па лініі Банка развіцця і 33 па цэнтралізаваным закупкам па лініі Міністэрства аховы здароўя, – распавёў прадстаўнікам СМІ галоўны ўрач Віцебскага абласнога цэнтра хуткай медыцынскай дапамогі Віктар Гамонаў. – Практычна парк аўтамабіляў рэгіёна абноўлены на 80%. Гэта павысіць аператыўнасць і якасць абслугоўвання выклікаў, дазволіць у разы палепшыць абслугоўванне сельскага насельніцтва. Цяпер ідзе цэнтралізацыя службы, сёлета ў Полацку ўтвораны міжраённы цэнтр хуткай дапамогі, у які ўвайшлі станцыя Наваполацка, аддзяленні ў Лепелі, Расонах, Верхнядзвінску і Ушачах. Увесь аўтапарк полацкага рэгіёна ўжо абноўлены. Гэты вялікі плюс адчуло і сельскае насельніцтва, якое, мінуўшы цэнтральныя раённыя бальніцы, у выпадку неабходнасці накіроўваюць адразу ў гарадскія і абласныя ўстановы для аказання спецыялізаванай медыцынскай дапамогі. Такая цэнтралізацыя дазваляе ажыццяўляць кантроль за выкарыстаннем машын хуткай дапамогі, паляпшае лагістыку ў дастаўцы хворых. Мінуўшы ЦРБ, пацыенты, напрыклад, з вострай каранарнай недастатковасцю, інфарктам міякарда, з вострым парушэннем цэнтральнага мазгавога кровазвароту прыбываюць у спецыялізаваныя высокатэхналагічныя медыцынскія цэнтры, дзе ім адразу можна аказаць дапамогу.
Зборка аўтамабіляў беларускай вытворчасці, растлумачыў кіраўнік службы, ідзе на вытворчасці «Брэстмаш», затым іх пастаўляюць для пераабсталявання ў якасці машын хуткай дапамогі на МАЗ. Мінскі аўтазавод выконвае гэтыя работы сумесна з даччыным прадпрыемствам «Купава». Яны значна палепшыліся па якасці, камфортнасці як для саміх работнікаў службы, так і для насельніцтва. Па цэнтралізаваным закупкам Мінздава набыта сучаснае партатыўнае абсталяванне для аснашчэння аўтамабіляў – апараты ШВЛ, ЭКГ-рэгістратары, дэфібрылятары і іншае.
У гэты дзень машыны пайшлі па прызначэнні ў рэгіёны, частка з іх засталася на службе ў Віцебску. А на 2024 год запланавана закупка яшчэ 36 аўтамабіляў для абслугоўвання насельніцтва вобласці.
Дарэчы, у Віцебскай вобласці на сённяшні дзень працуе 113 брыгад хуткай дапамогі, 147 аўтамабіляў.