Абласная і гарадская Дошкі гонару абноўлены ў Віцебску ў Дзень Незалежнасці Рэспублікі Беларусь

Старшыня абласнога выканаўчага камітэта Аляксандр Субоцін адзначыў, што асабліва сімвалічна, што менавіта на плошчы Перамогі ў такі важны для кожнага беларуса дзень адзначаюць пераможцаў спаборніцтва за лепшыя дасягненні ў розных галінах сацыяльна-эканамічнага жыцця ў 2023 годзе.

- Дзякуючы працы кожнага з вас мы рухаемся наперад, рэалізуем намечаныя планы, дасягаем новых вышынь. Заслужаных калектываў і аўтарытэтных людзей у нас шмат. Але першымі сёння названы тыя, хто атрымаў пераканаўчы вынік у працы і, не спыняючыся на дасягнутым, ідзе далей, - адзначыў кіраўнік вобласці.

Даведка "ВВ". Летась на Віцебшчыне адкрыліся 433 новыя прадпрыемствы, трэць з іх – у вытворчай сферы. Прадукцыя віцебскіх вытворцаў экспартуецца ў 65 дзяржаў. Знешнегандлёвыя аперацыі ажыццяўляюцца з 97 краінамі.

На гарадскую Дошку гонару занесены: Віцебскі завод электравымяральных прыбораў, «Віцязь», «Кандытарская фабрыка «Віцьба», «Інстытут Віцебскграмадзянпраект», «Дзяржбудэкспертыза па Віцебскай вобласці», Віцебскаблводаканал, Віцебскае камунальнае вытворчае ўнітарнае прадпрыемства катлоў і цеплавых сетак «ВПКіЦС», ААТ «НІКА», Белтэлекам, гімназія № 2 Віцебска, дзіцячы сад № 7 Віцебска «Кветачка-сямікветачка», абласны інстытут развіцця адукацыі, гарадская цэнтральная паліклініка, гарадская клінічная бальніца хуткай медыцынскай дапамогі, футбольны клуб «Віцебск», Тэрытарыяльны цэнтр сацыяльнага абслугоўвання насельніцтва Кастрычніцкага раёна Віцебска, абласны краязнаўчы музей, Цэнтр культуры «Віцебск».