У светлае свята Вялікадня Дзмітрый Дзямідаў павіншаваў каталіцкіх вернікаў у катэдральным касцёле Езуса Міласэрнага ў Віцебску
20 красавіка велікодныя набажэнствы праходзяць у касцёлах і праваслаўных храмах Беларусі: сёлета каталікі і праваслаўныя святкуюць Светлае Хрыстова Уваскрасенне ў адзін дзень.
У светлае свята Пасхі старшыня абласнога Савета дэпутатаў Дзмітрый Дзямідаў наведаў кафедральны касцёл Езуса Міласэрнага і сустрэўся з біскупам Віцебскай дыяцэзіі Алегам Буткевічам.
– Пасха – гэта вялікае свята, калі мы можам далучыцца да мілаты Божай. Сімвалічна, што сёння хрысціяне Беларусі адзначаюць гэты дзень разам. Розныя канфесіі ў нашай краіне мірна суіснуюць, няхай гэты мір і згода заўсёды пануюць на нашай зямлі, – адзначыў Алег Буткевіч.