ДАІ Віцебскай вобласці за выхадныя затрымала каля 20 беспраўнікаў

ДАІ Віцебскай вобласці за выхадныя затрымала каля 20 беспраўнікаў. Пра гэта БЕЛТА паведамілі ва УДАІ УУС Віцебскага аблвыканкама.

На дарогах Віцебскай вобласці за мінулыя выхадныя зарэгістравана 35 ДТЗ з матэрыяльнай шкодай, з іх 16 - у абласным цэнтры. Праваахоўнікі затрымалі 10 нецвярозых кіроўцаў і 17 беспраўных. 425 кіроўцаў парушылі хуткасныя абмежаванні, 18 - правілы абгону.

Акрамя таго, да адміністрацыйнай адказнасці за парушэнне ПДР прыцягнута 219 пешаходаў. З іх 23 знаходзіліся ў стане алкагольнага ап'янення, 39 - без святлоадбівальных элементаў.