Серыя выязных сустрэч пастаянных камісій дэпутацкага корпуса рэгіёнаў Віцебшчыны па пытаннях сацыяльнай сферы працягваецца
Зараз ва УАЗ «Шумілінская цэнтральная раённая бальніца» праходзіць семінар для дэпутацкага корпуса Віцебскай вобласці на тэму: «Сацыяльная дзяржава – беларуская мадэль дабрабыту».
Ключавая тэматыка сёлетняга семінара-нарады прысвечана вынікам правядзення дабрачынных акцый «Нашы дзеці» і «Ад усёй душы». Ініцыяваныя Кіраўніком дзяржавы Аляксандрам Лукашэнкам, гэтыя акцыі на працягу многіх гадоў дапамагаюць дзецям і людзям старэйшага пакалення адчуць клопат, увагу і набліжэнне сапраўднага свята.
З прывітальным словам да ўдзельнікаў мерапрыемства звярнуўся член Савета Рэспублікі Нацыянальнага сходу Рэспублікі Беларусь, генеральны дырэктар дзяржаўнай установы «Цэнтр культуры „Віцебск“» Глеб Лапіцкі:
– Такія семінары нам патрэбны для таго, каб мы насычаліся інфармацыяй ад першых асоб, ад кіраўнікоў, якія курыруюць нашу сацыяльную сферу. Таму што сацыяльная дзяржава – гэта той брэнд Рэспублікі Беларусь, які можа перакрыць любую крытыку і негатыў, з якімі мы часам сутыкаемся і на асабістых прыёмах грамадзян, і падчас выбарчых кампаній.
А для таго, каб мы валодалі інфармацыяй, трэба самім убачыць, як кіраўнікі структурных падраздзяленняў працуюць на месцах, ведаюць пра праблемы не з чутак.
Другі момант – мясцовыя дэпутаты павінны лепш ведаць адзін аднаго, таму такія сустрэчы – добрая ідэя і практыка.