Аплата фізічнымі асобамі маёмасных падаткаў у 2024 годзе

Падатковыя органы звяртаюць увагу грамадзян, што ў бягучым годзе ўручэнне паведамленняў на выплату фізічнымі асобамі транспартнага падатку, зямельнага падатку і падатку на нерухомасць за 2023 год завершыцца да 1 кастрычніка 2024 года.

Усе плацельшчыкі атрымаюць іх на папяровым носьбіце ў выглядзе паштовага адпраўлення і дадаткова ў электронным выглядзе, калі ёсць доступ да сэрвісу «Асабісты кабінет плацельшчыка».

У выпадку неатрымання па нейкай прычыне паведамлення і пры наяўнасці аб'ектаў падаткаабкладання (транспартных сродкаў, зямельных участкаў, жылых дамоў, кватэр, лецішчаў, гаражоў і іншых аб'ектаў нерухомасці) фізічная асоба можа звярнуцца ў любы падатковы орган альбо ў падатковы орган па месцы размяшчэння аб'екта падаткаабкладання.

Тэрмін выплаты маёмаснымі падаткі за 2023 год – не пазней 15 лістапада 2024 года.

Выплата ажыццяўляецца адзіным маёмасным плацяжом на адзін бюджэтны рахунак па адрасе рэгістрацыі (прапіскі) фізічнай асобы ў аддзяленнях банкаў, паштовых аддзяленнях альбо праз сэрвіс «Асабісты кабінет плацельшчыка». Таксама выплату можна ажыццявіць праз сістэму ЕРИП. Для гэтага неабходна:

1. У сістэме "Інтэрнэт-банкінг" у меню "Плацяжы і пераклады" выбраць пункт "Сістэма "Разлік" (ЕРИП)".

2. Увайсці ва ўкладку "Падаткі".

3. Выбраць вобласць або горад.

4. Знайсці раённую падатковую інспекцыю (упраўленне па працы з плацельшчыкамі) па месцы рэгістрацыі (прапіскі) фізічнай асобы.

5. Выбраць са спісу неабходны для аплаты падатак – адзіны маёмасны плацеж.

6. Увесці ўліковы нумар плацельшчыка (УНП) з выкарыстаннем лацінскай (англійскай) раскладкі і загалоўных літар гэтага алфавіта, без прабелаў (УНП паказаны ў паведамленні на выплату падаткаў).

Таксама даведацца свой УНП можна звярнуўшыся ў любы падатковы орган альбо на сайце Міністэрства па падатках і зборах Рэспублікі Беларусь (www.portal.nalog.gov.by), увёўшы пашпартныя дадзеныя (Электронныя сэрвісы / Дзяржаўны рэестр плацельшчыкаў / Пошук фізічных асоб).