Аб мерах па ўпарадкаванні ўтрымання хатніх і адлову безнаглядных сабак і катоў

На падставе падпункта 4.5 пункта 4, пункта 19 Правілаў утрымання хатніх сабак, катоў, а таксама адлову бяздомных жывёл у населеных пунктах Рэспублікі Беларусь, зацверджаных пастановай Савета Міністраў Рэспублікі Беларусь ад 4 чэрвеня 2001 г. № 834, Расонскі раённы выканаўчы камітэт РАШЫЎ:

 

1. Вызначыць, што адлоў бяздомных сабак і катоў на тэрыторыі гарадскога пасёлка Расоны (далей – г.п. Расоны) і Расонскага раёна ажыццяўляе унітарнае прадпрыемства жыллёва-камунальнай гаспадаркі Расонскага раёна.

2. Устанавіць, што:

2.1. месцамі для выгулу хатніх сабак на тэрыторыі г.п. Расоны з'яўляюцца:

невыкарыстоўваемы пустуючы зямельны ўчастак, размешчаны паміж ручаём Кісель і вуліцай Садовай;

невыкарыстоўваемы пустуючы зямельны ўчастак, размешчаны па завулку Будаўнічым з правага боку ад Расонскага ўчастка Полацкага філіяла Віцебскага абласнога унітарнага прадпрыемства па забеспячэнні палівам «Віцебскаблтоп»;

невыкарыстоўваемы пустуючы зямельны ўчастак, размешчаны паміж вытворчымі будынкамі таварыства з дадатковай адказнасцю «Антей-Пласт» і жылымі дамамі па вуліцы Лапенка;

2.2. месцамі для выгулу хатніх сабак на тэрыторыі Расонскага раёна з'яўляюцца невыкарыстоўваемыя пустуючыя зямельныя ўчасткі і лясныя масівы.

3. Прызнаць страціўшым сілу рашэнне Расонскага раённага выканаўчага камітэта ад 8 красавіка 2013 г. № 229 «Аб мерах па ўпарадкаванні ўтрымання хатніх сабак і катоў, а таксама адлову, адстрэлу, часовага ўтрымання і эўтаназіі бяздомных сабак і катоў».

4. Кантроль за выкананнем гэтага рашэння ўскласці на намесніка старшыні Расонскага раённага выканаўчага камітэта па напрамку дзейнасці.

5. Абнародаваць (апублікаваць) гэтае рашэнне ў газеце «Голас Расоншчыны».

6. Гэтае рашэнне ўступае ў сілу пасля яго афіцыйнага апублікавання.