Інфармацыя для ведама індывідуальным прадпрымальнікам

З 1 кастрычніка 2024 г. уступіў у сілу Закон Рэспублікі Беларусь ад 22 красавіка 2024 г. № 365-З «Аб змяненні законаў па пытаннях прадпрымальніцкай дзейнасці» (далей – Закон).

Згодна з часткай першай артыкула 12 Закона фізічныя асобы, зарэгістраваныя ў якасці індывідуальных прадпрымальнікаў да 1 кастрычніка 2024 г., маюць права працягнуць ажыццяўленне відаў дзейнасці, не ўключаных у пералік, які вызначаецца ў адпаведнасці з абзацам другім часткі другой пункта 1 артыкула 22 Грамадзянскага кодэкса Рэспублікі Беларусь, па 31 снежня 2025 г.

Указаны пералік вызначаны пастановай Савета Міністраў Рэспублікі Беларусь ад 28 чэрвеня 2024 г. № 457 «Аб відах індывідуальнай прадпрымальніцкай дзейнасці». Віды дзейнасці, не ўключаныя ва ўказаны пералік, пачынаючы з 1 студзеня 2026 г. у якасці індывідуальнага прадпрымальніка ажыццяўляць нельга.

У сувязі з гэтым Закон устанаўлівае права фізічнай асобы, зарэгістраванай у якасці індывідуальнага прадпрымальніка, стварыць камерцыйную арганізацыю, заснаваную адной асобай, у парадку, згодна з дадаткам да Закона, калі іншае не прадугледжана часткай другой артыкула 14 Закона.

На вэб-партале Адзінага дзяржаўнага рэестра юрыдычных асоб і індывідуальных прадпрымальнікаў змяшчаецца

пакрокавы механізм стварэння індывідуальным прадпрымальнікам камерцыйнай арганізацыі

Індывідуальны прадпрымальнік таксама мае магчымасць звароту да натарыуса для прадстаўлення дакументаў на дзяржаўную рэгістрацыю камерцыйных арганізацый.

Аддзел эканомікі   Расонскага райвыканкама

Тэлефон для даведак 51374