Што пагражае за незаконныя дзеянні ў дачыненні да грамадзянскіх БЛА і авіямадэляў?

Інфармуем, што з 2 лістапада 2025 года ўступіў у сілу Закон Рэспублікі Беларусь ад 20 кастрычніка 2025 г. № 101-3 «Аб змяненні законаў па пытаннях крымінальнай і адміністрацыйнай адказнасці».

Законам устанаўліваецца адміністрацыйная адказнасць за незаконны ўвоз на тэрыторыю Беларусі, захоўванне, абарот, эксплуатацыю або выраб беспілотных лятальных апаратаў або авіямадэлей. Крымінальная адказнасць наступае за аналагічныя дзеянні, здзейсненыя паўторна на працягу года пасля накладання адміністрацыйнага спагнання.

Даведка:

Артыкул 300-1 КК «Незаконныя дзеянні ў дачыненні да грамадзянскіх беспілотных лятальных апаратаў і авіямадэлей»

Увоз на тэрыторыю Рэспублікі Беларусь, захоўванне, абарот, эксплуатацыя або выраб грамадзянскіх беспілотных лятальных апаратаў альбо авіямадэлей з парушэннем патрабаванняў заканадаўства, здзейсненыя на працягу года пасля накладання адміністрацыйнага спагнання за такія ж парушэнні, караюцца грамадскімі працамі, або штрафам, або папраўчымі працамі на тэрмін да аднаго года, або арыштам, або абмежаваннем волі на тэрмін да двух гадоў са штрафам або без штрафу, або пазбаўленнем волі на той жа тэрмін са штрафам або без штрафу.

Артыкул 18.35 КоАП «Парушэнне правілаў выкарыстання паветранай прасторы»

1. Парушэнне правілаў выкарыстання паветранай прасторы, за выключэннем здзяйснення парушэнняў, прадугледжаных часткай 2 артыкула, цягне накладанне штрафу ў памеры ад дваццаці да пяцідзесяці базавых велічынь, на індывідуальнага прадпрымальніка – ад трыццаці да шасцідзесяці базавых велічынь, а на юрыдычную асобу – ад сарака да ста базавых велічынь.

2. Парушэнне правілаў выкарыстання паветранай прасторы з выкарыстаннем грамадзянскага беспілотнага лятальнага апарата, звышлёгкага лятальнага апарата, у тым ліку планеры, дэльтаплана, параплана, або паветранага судна аматарскай канструкцыі, аэрастатычнага апарата альбо правілаў выкарыстання авіямадэлей цягне накладанне штрафу ў памеры ад пяці да пяцідзесяці базавых велічынь з канфіскацыяй прадмета адміністрацыйнага правапарушэння або без канфіскацыі, на індывідуальнага прадпрымальніка ад дзесяці да ста базавых велічынь з канфіскацыяй прадмета адміністрацыйнага правапарушэння або без канфіскацыі, а на юрыдычную асобу ад дваццаці да ста пяцідзесяці базавых велічынь з канфіскацыяй прадмета адміністрацыйнага правапарушэння або без канфіскацыі.

Артыкул 18.38 КаАП «Незаконныя дзеянні ў дачыненні да грамадзянскіх беспілотных лятальных апаратаў і авіямадэляў»

1. Увоз на тэрыторыю Рэспублікі Беларусь, захоўванне, абарот, эксплуатацыя або выраб грамадзянскіх беспілотных лятальных апаратаў альбо авіямадэляў з парушэннем патрабаванняў заканадаўства цягнуць за сабой накладанне штрафу ў памеры да трыццаці базавых велічынь з канфіскацыяй прадмета адміністрацыйнага правапарушэння.

2. Увоз на тэрыторыю Рэспублікі Беларусь, захоўванне, абарот або выраб грамадзянскіх беспілотных лятальных апаратаў альбо авіямадэляў юрыдычнымі асобамі або індывідуальнымі прадпрымальнікамі з парушэннем патрабаванняў заканадаўства цягнуць за сабой накладанне штрафу ў памеры да пяцідзесяці базавых велічынь з канфіскацыяй прадмета адміністрацыйнага правапарушэння або без канфіскацыі, на індывідуальнага прадпрымальніка ад трыццаці да ста базавых велічынь з канфіскацыяй прадмета адміністрацыйнага правапарушэння або без канфіскацыі, а на юрыдычную асобу ад пяцідзесяці да дзвюхсот базавых велічынь з канфіскацыяй прадмета адміністрацыйнага правапарушэння або без канфіскацыі.