Увага ўсёй грамадзянскай абароне!

У Расонскім раёне актыўна праводзяцца мерапрыемствы, прымеркаваныя да Сусветнага Дня грамадзянскай абароны.

На гэтым тыдні ратавальнікі актыўна праводзяць мерапрыемствы, накіраваныя на навучанне людзей спосабам абароны ад небяспек, якія ўзнікаюць пры вядзенні ваенных дзеянняў і надзвычайных сітуацый.

Чаpговымі аб'ектамі правядзення дадзеных мерапрыемстваў сталі сярэднія школы ў г.п. Расоны і аг. Клясціцы. Ратавальнікі правялі сустрэчы з навучэнцамі, падчас якіх расказалі пра грамадзянскую абарону, як дзейнічаць пры паступленні сігналу «Увага ўсім!» і ўзнікненні розных надзвычайных сітуацый.

Школьнікі з непадробнай цікавасцю вучыліся аказваць першую дапамогу пацярпеламу: спыняць крывацёк, надзяваць процівагаз.

Персанал Расонскай школы на практыцы адпрацаваў укрыццё ў збудаванні падвойнага прызначэння і эвакуацыю пацярпелага.

– Несумненна, навучанне спосабам абароны ад небяспек, якія ўзнікаюць пры вядзенні ваенных дзеянняў і надзвычайных сітуацый, вельмі важна, і ў вырашальны момант дазволіць захаваць здароўе і жыццё людзей! – адзначыў Віктар Герасіменка, прадстаўнік раённага аддзела па надзвычайных сітуацыях.