Лукашэнка абмеркаваў з кіраўніком ЦВК падрыхтоўку да электаральнай кампаніі 2024 года
Прэзідэнт Беларусі Аляксандр Лукашэнка на сустрэчы са старшынёй ЦВК Ігарам Карпенкам абмеркаваў падрыхтоўку да электаральнай кампаніі 2024 года, перадае карэспандэнт БЕЛТА.
У Беларусі ў 2024 годзе ўпершыню пройдзе адзіны дзень галасавання, які прадугледжаны ў абноўленай Канстытуцыі. Будзе не толькі фарміравацца склад парламента, але грамадзяне таксама абяруць дэпутатаў мясцовых саветаў розных узроўняў. Прадугледжана, што адзіны дзень галасавання праводзіцца ў апошнюю нядзелю лютага. У 2024 годзе – гэта 25 лютага.
Яшчэ адна асаблівасць – гэта фарміраванне складу Усебеларускага народнага сходу – органа, які па выніках рэферэндуму атрымаў у Беларусі канстытуцыйны статус. У Канстытуцыі закладзена, што пасля адзінага дня галасавання не пазней чым праз 60 дзён павінна адбыцца першае пасяджэнне Усебеларускага народнага сходу. Такім чынам, апошні магчымы дзень для пачатку працы пасяджэння УНС – 25 красавіка.
Аб падрыхтоўцы ўказа Прэзідэнта
"Мы ўжо напярэдадні выбараў. Навін
"Вы вельмі правільна прапануеце. Нічога не трэба адкідваць. У нас ёсць вялікі досвед і практыка правядзення выбараў у плане задзейнічання органаў улады, іншых дзяржаўных органаў. Усё ў вашым распараджэнні. Вы адказваеце за арганізацыю. А ўсе дзяржаўныя органы і структуры, і я ў тым ліку, мы будзем вам дапамагаць ажыццявіць той план, які мы ўзгаднілі ўсе разам", - сказаў беларускі лідар.
"Адзіны дзень галасавання - таксама навізна. Мы абіраем усе саветы па вертыкалі. Таму працы будзе дастаткова. Не спяшаючыся, спакойна мы правядзем гэту працу", - упэўнены Прэзідэнт.
Аб інфармацыйным забеспячэнні
"Што тычыцца інфармацыйнага забеспячэння, таксама досвед вельмі вялікі. Але і новага вельмі шмат. Трэба выкарыстоўваць і інтэрнэт, і стварэнне новага кантэнту, як вы прапануеце. Гэта таксама трэба рабіць, каб людзям было зручна", - сказаў Аляксандр Лукашэнка.
Па яго словах, гэтай працай трэба займацца, пачынаючы ад запрашэння выбаршчыкаў, у тым ліку рассылкі SMS-паведамленняў.
Аб сумленных выбарах і назіральніках
Кіраўнік дзяржавы закрануў пытанне запрашэння назіральнікаў на маючыя адбыцца ў 2024 годзе выбары. "Суб'екты, якія запрашаюць назіральнікаў, вызначаны законамі. Нам хаваць няма чаго. У патрэбны час, калі падыдзе тэрмін, калі мы палічым патрэбным, мы запрасім назіральнікаў. Каб яны бачылі, як будуць праходзіць выбары. Каб нас не дакаралі, што мы праводзім выбары, як у Амерыцы там. І страляюць у людзей пасля выбараў, і па пошце выбары праводзяць і так далей. І фальсіфікацый куча. Гэта ўжо сёння бачна. Мы павінны сумленна правесці гэтыя выбары", - сказаў Прэзідэнт.
Аляксандр Лукашэнка падкрэсліў, што хавацца няма чаго. "Каля 80% адназначна сёння падтрымліваюць той курс, які мы вызначылі. Нам чаго баяцца? Ну, за 20%, якія вагаюцца і якія супраць, мы яшчэ пазмагаемся. Гэта я кажу як Прэзідэнт", - адзначыў кіраўнік дзяржавы.
Аб фарміраванні УНС
Асобна кіраўнік дзяржавы звярнуў увагу на такую навацыю, як фарміраванне Усебеларускага народнага сходу.
"Закладваем пэўны фундамент у гэтай справе. Напрацоўваем вопыт. Трэба вельмі ўважліва да гэтага паставіцца. Вельмі шмат у Канстытуцыі і ў законах вызначана: колькасць, як абіраць, ад каго абіраць і гэтак далей. Спрэчак тут няма. Таксама трэба адкрыта і сумленна правесці выбары ў склад Усебеларускага народнага сходу, - сказаў Прэзідэнт. - Там будуць розныя людзі. Там, я ўпэўнены, будуць розныя пункты гледжання. Адзінае, што ворагаў там не будзе. Але нам не патрэбны ворагі. І нашаму грамадству ў тым ліку. А пункты гледжання павінны быць рознымі, каб мы правільна прымалі рашэнне".
Рэзюмуючы, Аляксандр Лукашэнка сказаў: "Азнаёміўшыся з вашым пісьмовым дакладам і прапановамі я, напрыклад, не бачу нейкіх іншых падыходаў. Трэба цяпер пачынаць гэту працу".
Крыніца: belta.by