Лукашэнка падпісаў законы аб унясенні змяненняў у Дагавор аб ЕАЭС. Што змяняецца ў дзейнасці саюза

Прэзідэнт Беларусі Аляксандр Лукашэнка падпісаў закон "Аб ратыфікацыі Пратакола аб унясенні змяненняў у Дагавор аб Еўразійскім эканамічным саюзе ад 29 мая 2014 года". Пра гэта БЕЛТА паведамілі ў прэс-службе кіраўніка дзяржавы.

Гэтым пратаколам Вышэйшы Еўразійскі эканамічны савет надзяляецца дадатковымі паўнамоцтвамі. Яны датычацца вызначэння агульных прынцыпаў устанаўлення ў заканадаўстве краін ЕАЭС адказнасці за парушэнне абавязковых патрабаванняў да прадукцыі, працэдуры звароту за прадастаўленнем статусу назіральніка пры саюзе, парадку магчымага ўвядзення бакамі экстранных фітасанітарных мер і распрацоўкі праграмы сумеснымі дзеяннямі ў сферы абароны правоў спажыўцоў.

Кіраўнік дзяржавы таксама падпісаў закон аб ратыфікацыі пратакола аб унясенні змяненняў у Дагавор аб ЕАЭС у частцы аказання фінансавага садзейнічання пры рэалізацыі сумесных кааперацыйных праектаў. Ён прадугледжвае магчымасць прыняцця Саветам ЕЭК рашэння аб фінансавай падтрымцы праектаў за кошт саюзнага бюджэту.

Крыніца: