Лукашэнка заявіў аб неабходнасці ўсталяваць адзіныя жорсткія правілы гульні для пасажырскіх аўтаперавозак

Прэзідэнт Беларусі Аляксандр Лукашэнка заявіў аб неабходнасці ўсталяваць адзіныя жорсткія правілы гульні для сферы пасажырскіх аўтаперавозак. Аб гэтым ён заявіў на нарадзе па пытаннях пасажырскіх перавозак, перадае карэспандэнт БЕЛТА.

"Да гэтага пытання мы падыходзім не толькі і не столькі таму, што быў шэраг здарэнняў на дарогах. Але і таму, што часта ў нашым жыцці існуе шмат напрамкаў і пытанняў неўпарадкаваных. А паколькі гэта бяспека людзей, нашых грамадзян (я ўжо не кажу аб падатках, злоўжыванняў хапае там), гэтае пытанне падлягае ўпарадкаванню", - адзначыў беларускі лідар.

"Сёння нам трэба дасканала разабрацца і ўсталяваць адзіныя для ўсіх правілы гульні. Жорсткія, празрыстыя і зразумелыя. Нікога не трэба ціснуць, траўляваць, звальняць і іншае. Правілы гульні аднолькавыя для ўсіх! І для легальных і нелегальных, арганізаваных і неарганізаваных. Па адзіных правілах. Крок улева, крок управо… Вызначыць трэба, якія функцыі бярэ на сябе дзяржава як рэгулятар: як будзе ажыццяўляцца татальны кантроль у гэтай сферы, якія дадатковыя абавязкі з'явяцца ў перавозчыкаў", - заявіў Прэзідэнт.

Кіраўнік дзяржавы адзначыў, што пытанне па пасажырскіх аўтаперавозках тычыцца маршрутак, якія курсуюць у гарадах і паміж населенымі пунктамі, машын таксі.

"У дзяржавы да гэтай сферы ёсць два простыя патрабаванні. Першае - бяспека людзей. Такім відам транспарту карыстаюцца многія нашы грамадзяне і госці краіны. Другое - легальная праца перавозчыкаў. Таму што выручку заніжаюць, хаваюць, у канвертах зарплаты плацяць, падаткі не плацяць у шалёных памерах. Гэтым займаюцца праваахоўныя органы. Хацелася б, каб Кубракоў разам з Тэртэлем (кіраўнікі МУС і КДБ. - Заўвага БЕЛТА) мне далажылі да новага года для прыняцця рашэнняў. Няма чаго з імі размаўляць. Падатак не заплаціў - туды (гаворка аб прыцягненні да адказнасці ў адпаведнасці з заканадаўствам. - Заўвага БЕЛТА)", - сказаў кіраўнік дзяржавы.

Ён канстатаваў, што, увогуле, зразумелыя і справядлівыя правілы выконваюць далёка не ўсе ўдзельнікі гэтага бізнесу: "Як паказваюць праверкі Камітэта дзяржаўнага кантролю, бессаромных дзелкаў нямала".

Так, за 9 месяцаў 2023 года праверана крыху больш за 10 тыс. аўтамабіляў. Выяўлена каля 9 тыс. парушэнняў.

"Самае страшнае, што нелегалы наўмысна сыходзяць ад патрабаванняў бяспекі, якія прад'яўляюцца да рэгулярных перавозчыкаў: наяўнасць неабходнай вадзіцельскай катэгорыі і стажу. Людзей возяць усе, хто хоча, а потым дзікія аварыі, - сказаў Аляксандр Лукашэнка. - Стажу няма, катэгорыі няма, допуску ў рэйс няма, тэхагляду няма, рэжым працы і адпачынку не выконваецца. Бамбяць з раніцы да вечара гэтыя кіроўцы. Таму што гэта ж грошы для гаспадара. Такое стаўленне да справы рана ці позна прывядзе да трагедыі, падобнай у Смалявіцкім раёне, дзе загінула паўтара дзясятка чалавек, і дзеці таксама", - сказаў Аляксандр Лукашэнка.

З фінансавага пункту гледжання часцей за ўсё выяўляюць утойванне выручкі, драбленне бізнесу, зарплату ў канвертах, нявыплату падаткаў. "Нам, Раман Аляксандравіч (прэм'ер-міністр Раман Галоўчанка. - Заўвага. БЕЛТА), трэба ўзмацніць пакаранне па рэальных рэчах: раздробніў бізнес - адказвай. Не выплаціў падаткі... Слухайце, хто нас папракне: у Амерыцы пажыццёвае зняволенне можна атрымаць за нявыплату падаткаў - дэмакратычная краіна, - заўважыў кіраўнік дзяржавы. - Адсюль нядобрасумленная канкурэнцыя з легальнымі перавозчыкамі, што адбіваецца на працы ўсёй галіны аўтамабільных перавозак. Гэта значыць, возяць без сістэмы, крадуць, рабуюць, не плацяць падаткі. Вядома, якія аўтобусы і іншыя могуць з імі канкурыраваць?! Гэта значыць, няроўныя ўмовы. Мы што, гэтага не бачым?"

У выніку страты бюджэту вымяраюцца дзясяткамі мільёнаў рублёў, а добрасумленныя перавозчыкі вымушаны закрываць свой бізнес, звальняць людзей.

Крыніца: