Беларусь правядзе з В’етнамам перамовы па праекце пагаднення аб адмене віз

Кіраўнік дзяржавы Аляксандр Лукашэнка падпісаў указ №383, якім ухваліў у якасці асновы для правядзення перамоваў праект міжурадавага пагаднення Беларусі і В'етнама аб адмене віз для ўладальнікаў нацыянальных пашпартоў. Пра гэта БЕЛТА паведамілі ў прэс-службе Прэзідэнта.

На правядзенне перамоваў і падпісанне пагаднення пры дасягненні дамоўленасці ў межах ухваленага праекта ўпаўнаважана Міністэрства замежных спраў.

Іншым указам Прэзідэнт ухваліў у якасці асновы для правядзення перамоваў праект пагаднення паміж Беларуссю і В'етнамам аб перадачы асоб, асуджаных да пазбаўлення волі, для далейшага адбыцця пакарання. Міністэрства ўнутраных спраў упаўнаважана на правядзенне перамоваў і падпісанне пагаднення пры дасягненні дамоўленасці ў межах ухваленага праекта.

Крыніца: