Прэзідэнты Беларусі і Расіі Аляксандр Лукашэнка і Уладзімір Пуцін увечары 19 лютага правялі тэлефонную размову, падчас якой дадаткова абмеркавалі пытанні будучага пасяджэння Вышэйшага дзяржаўнага савета Саюзнай дзяржавы. Падрабязнасці БЕЛТА паведамілі ў прэс-службе Прэзідэнта Беларусі.
"Сапраўды, напярэдадні ўвечары адбылася тэлефонная размова кіраўнікоў дзяржаў. Прэзідэнты дадаткова абмеркавалі пытанні, якія плануецца разгледзець на будучым пасяджэнні Вышэйшага дзяржаўнага савета. Яно, як вядома, пройдзе ўжо на наступным тыдні ў Маскве. Аляксандр Лукашэнка і Уладзімір Пуцін звярылі гадзіннікі па парадку дня будучага мерапрыемства і найбольш актуальных тэмах, якія трэба будзе абмеркаваць як у шырокім коле, так і сам-насам. У размове таксама былі закрануты некаторыя пытанні беларуска-расійскіх адносін", - заявілі ў прэс-службе.