Боршчэўнік Сасноўскага – з’яўляецца адным з найбольш агрэсіўных іншародных відаў раслін у Рэспубліцы Беларусь

Боршчэўнік Сасноўскага – з'яўляецца адным з найбольш агрэсіўных іншародных відаў раслін у Рэспубліцы Беларусь, які наносіць значны эканамічны ўрон краіне і аказвае негатыўны ўплыў як на экалагічныя сістэмы, так і на здароўе людзей.

Праблема боршчэўніка Сасноўскага – гэта вынік не ўцягнутых у гаспадарчы абарот і не апрацоўваемых земляў, на якіх расліна распаўсюджваецца з вялікай хуткасцю. Дзякуючы яго інвазіўнасці (здольнасць выцясняць іншыя расліны і пры адсутнасці апрацоўкі прырастаць кожны год на 15%), няўменню прыродакарыстальнікаў правільна і своечасова з ім змагацца, людзі часта атрымліваюць сур'ёзныя траўмы і апёкі, а боршчэўнік тым часам працягвае заваёўваць новыя тэрыторыі.

Найбольш эфектыўнымі метадамі барацьбы з боршчэўнікам Сасноўскага з'яўляюцца: хімічны з выкарыстаннем спецыяльных хімічных рэчываў – гербіцыдаў, якія выклікаюць гібель раслін; камбінаваны, заснаваны на выкарыстанні розных спосабаў.

Што нельга рабіць, знішчаючы месцы росту боршчэўніка Сасноўскага?

Нельга пакідаць скашаныя расліны, кінутымі на месцы. Генератыўны ўцёк боршчэўніка мае ў сцябле вялікі запас пажыўных рэчываў - дастатковы, каб у галоўным парасоніку зрынутай расліны саспелі завязаўшыяся насенне.

Нельга дапускаць скашвання боршчэўнікаў у момант асыпання насення з раслін. У адваротным выпадку гэта будзе прыводзіць да большага рассейвання боршчэўніка.

Нельга падчас працы з боршчавіком быць распранутым або мець незакрытыя ўчасткі цела. Не змыты з цела на працягу сутак сок боршчавіку пры траплянні на гэтыя месцы сонечнага святла (ультрафіялету) будзе прыводзіць да ўтварэння дэрматытаў па тыпе апёкаў.

Барацьба з боршчавіком Сасноўскага ажыццяўляецца на падставе: рэспубліканскіх планаў мерапрыемстваў па навядзенні парадку на зямлі; раённых планаў мерапрыемстваў па рэгуляванні распаўсюджвання і колькасці інвазіўных відаў раслін.

На падставе зацверджаных раённых планаў па рэгуляванні распаўсюджвання і колькасці боршчавіку Сасноўскага ўпаўнаважаныя службовыя асобы тэрытарыяльных органаў Міністэрства прыродных рэсурсаў і аховы навакольнага асяроддзя да пачатку правядзення ўказаных мерапрыемстваў накіроўваюць карыстальнікам зямельных участкаў пісьмовыя патрабаванні, якія змяшчаюць пералік месцаў і плошчы росту ўказанай расліны, а таксама спосабы барацьбы з боршчавіком Сасноўскага, уключаючы тэхналогію і тэрміны іх правядзення.

У выпадку ўстанаўлення фактаў невыканання, неналежнага або несвоечасовага выканання пісьмовага патрабавання (прыпісу) карыстальнікі зямельных участкаў прыцягваюцца да адміністрацыйнай адказнасці па артыкуле 24.1 Кодэкса Рэспублікі Беларусь аб адміністрацыйных правапарушэннях.