Аб штогадовых планах развіцця горных работ на 2024 год

Звяртаем увагу ўсіх нетракарыстальнікаў, якія ажыццяўляюць распрацоўку радовішчаў простакапаемых карысных выкапняў адкрытым спосабам (уключаючы торфараспрацоўкі), што згодна з патрабаваннямі артыкула 65 «Асноўныя патрабаванні па рацыянальным выкарыстанні і ахове нетраў» Кодэкса Рэспублікі Беларусь аб нетрах не дапускаецца ажыццяўляць работы па здабычы карысных выкапняў без узгодненага штогадовага плана развіцця горных работ.

Патрабаванні да зместу штогадовага плана развіцця горных работ у залежнасці ад карысных выкапняў устаноўлены артыкулам 55 «Правядзенне горных работ. Штогадовы план развіцця горных работ» Кодэкса Рэспублікі Беларусь аб нетрах.

Форма заявы на ўзгадненне штогадовага плана развіцця горных работ устаноўлена дадаткам да Рэгламенту адміністрацыйнай працэдуры, якая ажыццяўляецца ў дачыненні да суб'ектаў гаспадарання, па падпункце 6.25.2 «Атрыманне ўзгаднення штогадовага плана развіцця горных работ (за выключэннем здабычы падземных вод, вадкіх і газападобных гаручых карысных выкапняў) па радовішчах простакапаемых карысных выкапняў (іх частках)» і зацверджана Пастановай Міністэрства прыродных рэсурсаў і аховы навакольнага асяроддзя Рэспублікі Беларусь ад 27.01.2022 № 13.

За ажыццяўленне здабычы карысных выкапняў без зацверджанага штогадовага плана развіцця горных работ у адпаведнасці з часткай 1 артыкула 16.15 Кодэкса Рэспублікі Беларусь аб адміністрацыйных правапарушэннях прадугледжана адміністрацыйная адказнасць у выглядзе штрафу на службовую асобу ў памеры ад пяці да дваццаці пяці базавых велічынь, а на юрыдычную асобу – да пяцісот базавых велічынь.