Жывая памяць – жывыя кветкі!

Штогод на Радаўніцу людзі нясуць на могілкі штучныя кветкі, каб ушанаваць памяць сваіх нябожчыкаў. Пры гэтым мала хто задумваецца пра шкоду такіх «раслін» для навакольнага асяроддзя.

Штучныя кветкі негатыўна ўплываюць на навакольнае асяроддзе і здароўе насельніцтва, перамяшчаючы пластыкавыя часціцы і небяспечныя складнікі. Большасць кветак робяць з танных і не заўсёды бяспечных матэрыялаў. У працэсе вытворчасці для надання стойкасці іх неаднаразова апрацоўваюць хіміяй, а потым афарбоўваюць таксічнымі анілінавымі фарбамі, здольнымі выклікаць галавакружэнне, галаўны боль і агульную слабасць.

Такія кветкі не паддаюцца перапрацоўцы, настолькі складана ідэнтыфікаваць від матэрыялу, з якога іх вырабляюць. Сартаваць штучныя кветкі не ўдаецца і, як вынік, яны аказваюцца на звалках, тым самым павялічваючы антрапагенную нагрузку на навакольнае асяроддзе, пачынаюць вылучаць таксічныя рэчывы, забруджваючы глебу, паветра і грунтавыя воды. Тэрмін іх раскладання складае некалькі соцень гадоў. А пры спальванні ў атмасферу трапляюць цяжкія металы і дыяксіны, якія негатыўна ўплываюць на здароўе людзей.

Штогод пасля святаў на палігоны цвёрдых камунальных адходаў вывозяць каля 1 мільёна пластыкавых кветак!

Афіцыйнай забароны на выкарыстанне штучных кветак няма. Вядома, яны значна даўжэй прастаюць і маюць больш яркі колер у адрозненне ад жывых. Але важна памятаць, што кветкі прыносяць на магілу ў знак любові да нябожчыка. Мінпрыроды заклікае для добраўпарадкавання месцаў пахавання выкарыстоўваць жывыя расліны ў гаршках, шматгадовыя расліны, высаджаныя ў грунт, карлікавыя кусты, газонную траву, вечназялёныя хвойныя дрэвы, або проста прынесці сціплы букет свежазрэзаных кветак. Так, яны не будуць стаяць так доўга, але затое яны будуць сапраўдныя.