Ліса

?Лісы не толькі ўпэўнена разгульваюць у вёсках, але і ўсё часцей заглядаюць у буйныя гарады

Жыхары беларускіх гарадоў усё часцей скардзяцца на візіты ліс. І калі раней іх заўважалі на ўскраінах і паблізу лясных масіваў, то цяпер рудыя госці забродзяць усё бліжэй і бліжэй да цэнтра населеных пунктаў. Відавочцы выкладваюць фотаздымкі і відэаролікі ў сацсеткі, а іншыя карыстальнікі здзіўляюцца: жывёлы зусім не баяцца людзей.

?Аномальныя ці такія паводзіны дзікіх звяроў?
?Як сябе паводзіць, сутыкнуўшыся з лісамі тварам да твару?

Буйныя драпежнікі ў дзікай прыродзе могуць ціснуць больш дробных жывёл, і яны выходзяць з лесу, больш прывыкаюць да людзей. Найбольш небяспечны варыянт — хвароба, бо лісы часцей за іншых звяроў пакутуюць на шаленства. У хворых асобін адсутнічае пачуццё страху, таму яны спакойна заходзяць у гарады, здольныя без прычыны нападаць на людзей, наносіць ім траўмы. Адзначыць хворых ліс ад здаровых можна па празмерна ўпэўненых паводзінах і нахабным поглядзе першых. Да таго ж, калі з пашчы звера капае сліна, гэта прамое сведчанне, што яно заражана шаленствам. І яшчэ: здаровая жывёла ніколі не пойдзе на кантакт з чалавекам і не будзе браць ежу з яго рук.

Калі вы ўсё ж сустрэлі лісу на вуліцы ці сутыкнуліся з дзікім жывёлам у лесе, то важна захоўваць спакой і прытрымлівацца інструкцый. Памятайце, што дзікія жывёлы могуць быць небяспечнымі, але пры правільных паводзінах вы зможаце пазбегнуць непрыемнасцей. Не падыходзьце блізка, тым больш, нельга гладзіць драпежніцу або карміць з рукі. Звычайна лісы не нападаюць першымі на чалавека, але рэзкія рухі і гучны гук могуць напалохаць жывёлу і выклікаць агрэсію. Не трэба таксама махаць рукамі, спрабуючы прагнаць жывёлу, глядзець у вочы і паказваць зубы – гэта можа быць успрынята як заклік да бою. Не варта паварочвацца спінай і спрабаваць уцячы.

Самы бяспечны варыянт – спакойна пастаяць, дачакаўшыся, калі ліса сама ўцячэ, або, пятляючы, адысці на бяспечную адлегласць. Калі ўкусу не ўдалося пазбегнуць, варта неадкладна звярнуцца ў траўмапункт.