Што трэба ведаць пра выдаленне аб'ектаў расліннага свету

«Выдаліць нельга пакінуць» - што трэба ведаць пра выдаленне аб'ектаў расліннага свету?

Грамадзяне часта праяўляюць ініцыятыву ў пытаннях добраўпарадкавання і азелянення тэрыторый. Важна дзейнічаць у межах заканадаўства і не нашкодзіць навакольнаму асяроддзю.

Ці можна самастойна абрэзаць кусты каля дома, і як атрымаць дазвол на выдаленне раслін.

Выдаленне, перасадка раслін рэгулююцца арт. 37 Закона Беларусі «Аб раслінным свеце». Таму ў выпадку неабходнасці такіх дзеянняў трэба падрыхтаваць шэраг дакументаў: зацверджаную ва ўстаноўленым парадку праектную дакументацыю, дазвол мясцовага выканаўчага і распарадчага органа, заключэнне аб прызнанні дрэва небяспечным, акт аб наяўнасці месца росту раслін, якія адносяцца да відаў, распаўсюджванне і колькасць якіх падлягаюць рэгуляванню, і папярэдняе паведамленне мясцовага выканаўчага і распарадчага органа аб планаваных выдаленні, перасадцы дрэў, хмызнякоў.

Таксама існуе сітуацыя, у якой выдаленне раслін магчыма без дакументаў і дазволаў: пры ліквідацыі надзвычайнай сітуацыі або яе наступстваў, калі гэта немагчыма без выдалення раслін. Але ў гэтым выпадку ў тэрмін не пазней пяці дзён пасля выдалення трэба накіраваць у мясцовы выканаўчы і распарадчы орган паведамленне, якое змяшчае інфармацыю аб выдаленых аб'ектах (від, месца і плошча росту), а таксама апісанне надзвычайнай сітуацыі, дату і час інфармавання аб яе ўзнікненні.