Праект Экалагічнага кодэкса хутка вынесуць на грамадскае абмеркаванне.

Міністэрства прыродных рэсурсаў і аховы навакольнага асяроддзя актыўна працуе над стварэннем Экалагічнага кодэкса - новага сістэматызаванага дакумента, які аб'яднае нормы ў галіне аховы навакольнага асяроддзя, рацыянальнага выкарыстання прыродных рэсурсаў і экалагічнай бяспекі. 

Гэты кодэкс прызначаны стаць асноўным заканадаўчым актам, які рэгулюе экалагічныя праваадносіны, і замяніць мноства разрозненых законаў, прынятых за апошнія дзесяцігоддзі.

Праект Экалагічнага кодэкса хутка вынесуць на грамадскае абмеркаванне.

Для распрацоўкі праекта Экалагічнага кодэкса Міністэрствам прыродных рэсурсаў і аховы навакольнага асяроддзя Рэспублікі Беларусь сфарміравана рабочая група, у склад якой уключаны прадстаўнікі практычна ўсіх органаў дзяржаўнага кіравання, навуковай і экспертнай супольнасці, у тым ліку эксперты Мінпрыроды.

Праект кодэкса ўключае ў сябе прававыя нормы і механізмы, закладзеныя ў законах «Аб ахове навакольнага асяроддзя», «Аб ахове атмасфернага паветра», «Аб ахове азонавага слоя», «Аб звароце з адходамі», «Аб дзяржаўнай экалагічнай экспертызе, стратэгічнай экалагічнай ацэнцы і ацэнцы ўздзеяння на навакольнае асяроддзе», «Аб асабліва ахоўных прыродных тэрыторыях», «Аб ахове і выкарыстанні тарфянікаў», «Аб гідраметэаралагічнай дзейнасці».

У дачыненні да аховы кампанентаў прыроднага асяроддзя і прыродных комплексаў у дакумент уключаны асобныя палажэнні кодэксаў аб зямлі, нетрах, ляснога і воднага кодэксаў, законаў «Аб раслінным свеце» і «Аб жывёльным свеце». Структура праекта дакумента складаецца з 10 раздзелаў, 43 галоў і 349 артыкулаў.

Унясенне кодэксам значных змен у дзеючае заканадаўства не прадугледжваецца. Гэта абумоўлена двума фактарамі: устоянай і стабільнай сістэмай заканадаўчых актаў, якія рэгулююць дадзеныя пытанні, і комплекснай перапрацоўкай законаў.

Праект ужо прайшоў першы этап узгаднення з органамі дзяржкіравання, некалькі этапаў дапрацоўкі, і ўжо рыхтуецца да паўторнага ўзгаднення. Пасля гэтага дакумент будзе вынесены на грамадскае абмеркаванне.

Пасля канчатковага зацвярджэння праекта, Экалагічны кодэкс павінен будзе ўступіць у сілу на працягу 12 месяцаў з моманту яго апублікавання.