Змены ўнесены ў шэраг пастаноў Міністэрства прыродных рэсурсаў і аховы навакольнага асяроддзя Рэспублікі Беларусь

Міністэрствам прыродных рэсурсаў і аховы навакольнага асяроддзя 17 верасня 2025 г. прынята пастанова № 9-Т «Аб змяненні пастаноў Міністэрства прыродных рэсурсаў і аховы навакольнага асяроддзя Рэспублікі Беларусь ад 11 сакавіка 2022 г. № 2-Т і ад 13 снежня 2022 г. № 28-Т».

Указанай пастановай уносяцца змяненні ў:

экалагічныя нормы і правілы ЭкаНП 17.06.08-003-2022 «Ахова навакольнага асяроддзя і прыродакарыстанне. Гідрасфера. Патрабаванні па ўтрыманні паверхневых водных аб’ектаў у належным стане і іх добраўпарадкаванні», зацверджаныя пастановай Міністэрства прыродных рэсурсаў і аховы навакольнага асяроддзя Рэспублікі Беларусь ад 11 сакавіка 2022 г. № 2-Т;

экалагічныя нормы і правілы ЭкаНП 17.06.06-005-2022 «Ахова навакольнага асяроддзя і прыродакарыстанне. Гідрасфера. Патрабаванні па забеспячэнні экалагічнай бяспекі пры эксплуатацыі ачысных збудаванняў сцёкавых вод, якія скідаюцца ў навакольнае асяроддзе», зацверджаныя пастановай Міністэрства прыродных рэсурсаў і аховы навакольнага асяроддзя Рэспублікі Беларусь ад 13 снежня 2022 г. № 28-Т.

Унясенне змяненняў у экалагічныя нормы і правілы абумоўлена правапрымяняльнай практыкай і неабходнасцю ўзгаднення палажэнняў з іншымі нарматыўнымі прававымі актамі.

Пастанова Міністэрства прыродных рэсурсаў і аховы навакольнага асяроддзя Рэспублікі Беларусь ад 17 верасня 2025 г. № 9-Т уступае ў сілу з 1 студзеня 2026 г.

Таксама 16 верасня 2025 г. Мінпрыроды прыняты:

– пастанова № 49 «Аб змяненні пастановы Міністэрства прыродных рэсурсаў і аховы навакольнага асяроддзя Рэспублікі Беларусь ад 4 мая 2015 г. № 19» (уступіла ў сілу з 5 кастрычніка 2025 г.);

– пастанова № 50 «Аб змяненні пастановы Міністэрства прыродных рэсурсаў і аховы навакольнага асяроддзя Рэспублікі Беларусь ад 25 сакавіка 2022 г. № 22» (уступіла ў сілу з 4 кастрычніка 2025 г.).

Указанымі пастановамі ўнесены змяненні ў Інструкцыю аб парадку стварэння басейнавых саветаў і Рэгламенты адміністрацыйных працэдур і іншых дакументаў па пытаннях спецыяльнага водакарыстання.

Пастановы распрацаваны на падставе вынікаў інвентарызацыі нарматыўных прававых актаў, праведзенай у 2025 годзе Нацыянальным цэнтрам заканадаўства і прававой інфармацыі Рэспублікі Беларусь.