Чырвоная кніга

ЗУБР (Bison bonasus) - IV катэгорыя прыродаахоўнага значэння – патэнцыйна ўразлівы від.

Адным з сімвалаў нашай краіны з'яўляецца зубр – магутны нашчадак дзікіх лясных быкоў, якія некалі насялялі Еўропу. У пачатку ХХ стагоддзя зубры былі на мяжы знікнення, але дзякуючы намаганням навукоўцаў іх удалося выратаваць. Чым жа здзіўляе гэтая жывёла?

Даўжыня зубра – каля 3 м, вышыня ў карку – прыкладна 2 м. Вага дарослага самца – ад 800 да 1000 кг. Нягледзячы на памеры, жывёла хутка бегае, добра плавае і свабодна перамяшчаецца па топкіх балоцістых участках зямлі.

Афарбоўка жывёлы залежыць ад падвіда і рэгіёна пражывання. Напрыклад, у зуброў Белавежскай пушчы поўсць шэра-бурая з медна-карычневым адлівам.

У зуброў дрэннае зрок, затое добра развіты слых і нюх. Каб разгледзець прадмет, які іх зацікавіў, яны стараюцца падысці бліжэй. Не варта ўспрымаць гэтыя дзеянні як гатоўнасць жывёлы да нападу, хоць асцярожнасць не зашкодзіць. У цэлым зубры неагрэсіўныя і пры выглядзе чалавека часцей за ўсё ўцякаюць.

Больш фактаў пра сімвал нашай краіны можна даведацца ў 9-ым выпуску часопіса "Родная прырода"