Сартуем правільна. Буйнагабарытныя адходы

Буйнагабарытныя адходы – гэта бытавыя адходы, памеры якіх перавышаюць 0,5 метра па любым з бакоў і якія не могуць быць выкінуты ў звычайныя кантэйнеры. Да БГА адносяцца старая мэбля (канапы, шафы), бытавая тэхніка (халадзільнікі, пральныя машыны), сантэхніка (унітазы, ванны), а таксама адходы ад дробнага рамонту і добраўпарадкавання тэрыторыі (напрыклад, аконныя рамы, пні).

Куды ж выносіць асноўныя буйнагабарытныя адходы?

Побач са звычайнымі кантэйнерамі павінна быць спецыяльна абсталяваная пляцоўка для БГА або вялікі кантэйнер-бункер (аб'ёмам ад 6 м³) менавіта для БГА.
Таксама могуць быць арганізаваны асобныя адсекі для збору БГА на мадульных кантэйнерных пляцоўках.

Што рабіць, калі няма ні пляцоўкі, ні бункера?
Звярніцеся ў сваю жыллёвую арганізацыю (ЖЭС, ЖКГ) або ў арганізацыю, якая вывозіць смецце ў вашым раёне, і ўдакладніце, як дзейнічаць.
Абавязак ЖКГ – забяспечыць месца для збору такіх адходаў.

Асобнае правіла для навасёлаў.
Робіце рамонт у новабудоўлі (дому менш за 3 гады)? Нарматыў на БГА для вас не дзейнічае. Вываз будаўнічага смецця – платная паслуга, якую трэба заказваць самастойна.

Тэхніку і электроніку НЕЛЬГА выкідваць на пляцоўку для БГА!

Галерэя выяў