Мінпрыроды ўстанавіла пералік пунктаў назірання маніторынгу атмасфернага паветра

З 1 снежня 2025 г. увайшоў у сілу загад Міністэрства прыродных рэсурсаў і аховы навакольнага асяроддзя ад 21 лістапада 2025 г. № 441-АД «Аб некаторых пытаннях арганізацыі правядзення маніторынгу атмасфернага паветра», якім устаноўлены колькасць і месцазнаходжанне пунктаў назірання маніторынгу атмасфернага паветра, пералік параметраў і перыядычнасць назіранняў, пералік арганізацый, якія ажыццяўляюць правядзенне маніторынгу атмасфернага паветра.

У пералік гарадоў, ахопленых маніторынгам атмасфернага паветра, уключаны:

г. Глыбокае (Віцебская вобласць);
г. Петрыкаў (Гомельская вобласць);
г. Асіповічы (Магілёўская вобласць).

Акрамя таго, дадатковыя пункты маніторынгу атмасфернага паветра ўстаноўлены ў:
г. Жлобіне ( вул. Прамысловая);
г. Бабруйску (бульвар Прыбярэзінскі, у раёне дома № 30).
Загад Міністэрства прыродных рэсурсаў і аховы навакольнага асяроддзя Рэспублікі Беларусь ад 1 сакавіка 2024 г. № 81-АД «Аб некаторых пытаннях арганізацыі правядзення маніторынгу атмасфернага паветра» прызнаны страціўшым сілу.