У Віцебскай вобласці восенню выяўлена два новыя для Беларусі віды птушак

Як ужо паведамлялася, у кастрычніку ў Віцебску быў заўважаны белабокі дрозд. А ў лістападзе ў Полацкім раёне выявілі бурага дрозда. Як паведамляюць спецыялісты ў галіне фундаментальнай і прыкладной біялогіі, выяўленне ў Беларусі новых відаў птушак звязана з пацяпленнем клімату і пашырэннем шляхоў міграцыі пернатых. І адпаведна наяўнасцю ежы.

Белабокі дрозд гняздуецца ў краінах Скандынавіі і раней пералёт на зімоўку ў паўднёвыя краіны адбываўся часцей за ўсё праз Заходнюю Еўропу без залёту ў Беларусь. Паколькі нашы зімы былі больш суровыя, птушка аддавала перавагу пазбягаць Паўночнай сталіцы.

Бурыя ж дразды гняздуюцца ў Сібіры. Яны вельмі падобныя на нашага дрозда-белабрывіка, і адрозніваецца толькі апярэннем, брушкам і крыху памерам (буры дрозд крыху буйнейшы за свайго беларускага субрата). Бурыя дразды мігруюць у краіны паўднёвай Азіі, але часам і ў Еўропу.

Яшчэ адным фактарам выяўлення новых відаў спецыялісты лічаць узрослыя магчымасці фіксацыі.

Раней арнітолагам для выяўлення новага віду патрабавалася дорагае абсталяванне – бінокль, фотаапарат, якія патрабавалі высокай захопленасці сваёй справай. Цяпер жа даследчыкі ўсё часцей выкарыстоўваюць больш «лянівыя» гаджэты і ставіць фотапасткі. Таксама даследаванням дапамагаюць прыкладанні-фотавызначальнікі ў інтэрнэце.

Галерэя выяў