Дзяржаўная статыстычная справаздачнасць па форме 1-Вада (Мінпрыроды) «Справаздача аб выкарыстанні вод за 2025 год»

УВАГА!
Важная інфармацыя для арганізацый, якія ажыццяўляюць водакарыстанне

Дзяржаўная статыстычная справаздачнасць па форме 1-Вада (Мінпрыроды) «Справаздача аб выкарыстанні вод» (далей – справаздача) за 2025 год прадастаўляецца ў адпаведнасці з пастановай Нацыянальнага статыстычнага камітэта ад 28.11.2022 № 125 (у рэдакцыі ад 11.10.2023 N 129), якой зацверджаны форма справаздачы і ўказанні па запаўненні электроннай формы дзяржаўнай статыстычнай справаздачнасці па форме 1-Вада (Мінпрыроды) «Справаздача аб выкарыстанні вод».

Даведка:

Справаздачу прадстаўляюць:

• юрыдычныя асобы, якія ажыццяўляюць спецыяльнае водакарыстанне на падставе дазволаў на спецыяльнае водакарыстанне або комплексных прыродаахоўных дазволаў (далей – дазволы), іх адасобленыя падраздзяленні, якія маюць асобны баланс;
• юрыдычныя асобы, адасобленыя падраздзяленні юрыдычных асоб, якія маюць асобны баланс, што эксплуатуюць сістэмы абаротнага водазабеспячэння з расходам вод у іх больш за 5 кубічных метраў у суткі без ажыццяўлення спецыяльнага водакарыстання.

Справаздачу не прадстаўляюць:

• садаводчыя таварыствы і дачныя кааператывы;
• сялянскія (фермерскія) гаспадаркі.

Прадастаўленне справаздачы ажыццяўляецца ў абавязковым парадку да 10 лютага 2026 г. у электронным выглядзе з дапамогай спецыялізаванага праграмнага забеспячэння з выкарыстаннем сертыфіката адкрытага ключа (сродак электронна-лічбавага подпісу ДзярЗУКК), выдадзенага ў Дзяржаўнай сістэме кіравання адкрытымі ключамі праверкі электронна-лічбавага подпісу Рэспублікі Беларусь на афіцыйным сайце Нацыянальнага статыстычнага камітэта ў глабальнай камп'ютарнай сетцы Інтэрнэт.