Звяртаем увагу водакарыстальнікаў!

Віцебскі абласны камітэт прыродных рэсурсаў і аховы навакольнага асяроддзя звяртае ўвагу водакарыстальнікаў, на якіх ускладзены абавязкі па прадстаўленні першасных статыстычных даных па форме дзяржаўнай статыстычнай справаздачнасці 1-вада (Мінпрыроды) «Справаздача аб выкарыстанні вод» (далей – форма 1-вада (Мінпрыроды)).

Загадам ад 31 снежня 2025 г. № 506-АД «Аб змяненні загаду Міністэрства прыродных рэсурсаў і аховы навакольнага асяроддзя Рэспублікі Беларусь ад 27 кастрычніка 2022 г. № 333-АД» перагледжаны некаторыя коды крыніц водазабеспячэння і прыёмнікаў сцёкавых вод (спампаваць).

Збор першасных статыстычных даных па форме 1-вада (Мінпрыроды) у электронным выглядзе ажыццяўляецца РВУ «Цэнтральны навукова-даследчы інстытут комплекснага выкарыстання водных рэсурсаў» (далей – РВУ «ЦНДІКВР») з 9 студзеня па 10 лютага 2026 г.

Дзяржаўная статыстычная справаздачнасць па форме 1-вада (Мінпрыроды) «Справаздача аб выкарыстанні вод» зацверджана пастановай Нацыянальнага статыстычнага камітэта Рэспублікі Беларусь ад 28 лістапада 2022 № 125 «Аб зацвярджэнні формы дзяржаўнай статыстычнай справаздачнасці 1-вада (Мінпрыроды) «Справаздача аб выкарыстанні вод» і інструкцый па яе запаўненні» (са змяненнямі ад 11 кастрычніка 2023 № 129).

Дзяржаўную статыстычную справаздачнасць па форме 1-вада (Мінпрыроды) «Справаздача аб выкарыстанні вод» (далей – справаздача) прадстаўляюць:

юрыдычныя асобы, якія ажыццяўляюць спецыяльнае водакарыстанне на падставе дазволаў на спецыяльнае водакарыстанне або комплексных прыродаахоўных дазволаў (далей – дазволы), іх адасобленыя падраздзяленні, якія маюць асобны баланс;

юрыдычныя асобы, адасобленыя падраздзяленні юрыдычных асоб, якія маюць асобны баланс, што эксплуатуюць сістэмы абаротнага водазабеспячэння з расходам вод у іх больш за 5 кубічных метраў у суткі без ажыццяўлення спецыяльнага водакарыстання.

Справаздачу не прадстаўляюць:

садоўніцкія таварыствы і дачныя кааператывы;

сялянскія (фермерскія) гаспадаркі.

Больш падрабязна па пытаннях прадстаўлення першасных статыстычных даных па форме 1-вада (Мінпрыроды) можна азнаёміцца на афіцыйным сайце РВУ «ЦНДІКВР» па спасылцы.