Куды падзець навагоднюю ёлачку?

Расонская раённая інспекцыя прыродных рэсурсаў і аховы навакольнага асяроддзя нагадвае аб парадку «утылізацыі святочных дрэў».

Навагоднія святы падыходзяць да канца, а значыць, хутка давядзецца развітвацца з ёлкамі. Пакідаць адслужыўшую сваё навагоднюю елку трэба на пляцоўках для збору буйнагабарытных адходаў.

Дрэвы павінны быць без мішуры і ёлачных упрыгожанняў. Не трэба змяшчаць дрэвы ў пакеты або заварочваць у скотч, таксама не трэба звязваць галіны дрэва. Хвоіныя дрэвы будуць перапрацаваны на спецыялізаваным абсталяванні ў паліўную шчэпку.

Штучныя елкі вырабляюць з розных тыпаў пластыка, таму перапрацаваць іх няпроста.

Пакідаць пластыкавую елку неабходна таксама на пляцоўцы для збору буйнагабарытных адходаў, а камунальнай арганізацыяй будуць вызначаны далейшыя шляхі абыходжання з ёй.