Да ведама карыстальнікаў падземных вод
У адпаведнасці з Палажэннем парадку прадстаўлення звестак для вядзення дзяржаўных балансаў запасаў карысных выкапняў і геатэрмальных рэсурсаў нетраў (далей – Палажэнне), зацверджаным пастановай Савета Міністраў Рэспублікі Беларусь ад 2 верасня 2021 г. № 509 “Аб мерах па рэалізацыі Кодэкса Рэспублікі Беларусь аб нетрах“, нетракарыстальнікам, якія ажыццяўляюць здабычу падземных вод, неабходна прадставіць звесткі аб руху запасаў падземных вод і геатэрмальных рэсурсаў нетраў (за выключэннем петрагеатэрмальных рэсурсаў), а таксама звесткі аб прадукцыі, атрыманай пры здабычы і першаснай апрацоўцы (ачыстцы, узбагачэнні) карыснага выкапня, яе кошце і сабекошце і накірунках выкарыстання па стане на 1 студзеня 2026 года, па форме, згодна з Дадаткам 1 да Палажэння (Раздзел II і Раздзел III) да 15 сакавіка ў Дзяржаўнае прадпрыемства “Белгеацэнтр“.
Форма для прадстаўлення звестак і прыклады па яе запаўненні размешчаны на сайце прадпрыемства ДП ”Белгеацэнтр“ у раздзеле ”Нетракарыстальніку/Парадак прыёму ведамаснай справаздачнасці і інфармацыі аб стане і руху запасаў карысных выкапняў“.
У электронным выглядзе форму можна накіроўваць на E-mail: Гэты адрас электроннай пошты абаронены ад спам-ботов. У вас павінна быць уключана падтрымка JavaScript для прагляду. або па адрасе: 220040, Мінская вобласць, г.Мінск, вул.Некрасова, 7-413.
Звяртаем увагу, што прадстаўленне скажоных звестак, несвоечасовае прадстаўленне або непрадстаўленне вышэйзгаданых звестак цягне адказнасць у адпаведнасці з Кодэксам Рэспублікі Беларусь аб адміністрацыйных правапарушэннях.