Бяспека ў прыярытэце

Бяспека ў прыярытэце. Зацверджаны план па ахове працы на 2026 год

Міністэрства працы і сацыяльнай абароны зацвердзіла штогадовы комплексны план мерапрыемстваў, накіраваных на забеспячэнне здаровых і бяспечных умоў працы ва ўсіх арганізацыях краіны ў 2026 годзе.

Дакумент уключае больш за 40 пунктаў, якія ахопліваюць заканадаўчыя ініцыятывы, наглядную дзейнасць, навучанне і прафілактыку.

Абнаўленне правілаў аховы працы

На працягу года будуць дапрацаваны і зацверджаны новыя правілы аховы працы для розных сфер:

у заапарках, на здымках фільмаў, у будаўніцтве, тэатрах і канцэртных залах;

пры водалазных работах і эксплуатацыі пад'ёмных механізмаў;

будзе абноўлены спіс работ, забароненых для непаўналетніх.

Таксама плануецца ўдасканаленне норм выдачы сродкаў індывідуальнай абароны работнікам.

Узмацненне кантролю і праверак

Правядзенне выбарачных і пазапланавых праверак выканання працоўнага заканадаўства.

Арганізацыя выезду мабільных груп у арганізацыі, дзе адбыліся няшчасныя выпадкі.

Укараненне аўтаматызаваных сістэм маніторынгу ўмоў працы і ўліку траўматызму.

Сумесныя рэйды з супрацоўнікамі Следчага камітэта для расследавання цяжкіх здарэнняў.

Прафілактыка і навучанне

Рэгулярнае правядзенне «месячнікаў бяспекі», «Тыдняў нулявога траўматызму».

Арганізацыя семінараў і канферэнцый, у тым ліку XII Беларуска-Расійскай навукова-практычнай канферэнцыі па ахове працы.

абавязковая праверка ведаў па ахове працы для кіраўнікоў і спецыялістаў.

Інфармаванне працадаўцаў аб тыповых парушэннях у розных галінах.

Работа з моладдзю і грамадскасцю

Удзел у прафарыентацыйных мерапрыемствах, конкурсах дзіцячага малюнка «Бяспечная праца маіх бацькоў».

Правядзенне адкрытых урокаў у навучальных установах.

Актуальнае асвятленне пытанняў аховы працы ў СМІ і інтэрнэце.

План таксама прадугледжвае ўзаемадзеянне з прафсаюзамі, аналіз эфектыўнасці сістэм кіравання аховай працы і выкананне мерапрыемстваў у рамках Дзяржаўнай праграмы «Збалансаваны рынак працы» на 2026–2030 гады.

Асноўная мэта — зніжэнне вытворчага траўматызму, павышэнне культуры бяспекі і стварэнне ўмоў, пры якіх кожны работнік зможа працаваць без рызыкі для жыцця і здароўя.