У Беларусі комплексна ўрэгуляваны пытанні ажыццяўлення кантрольнай дзейнасці. Адпаведная пастанова Савета Міністраў падпісана Прэм'ер-міністрам

Заканадаўства прыводзіцца ў адпаведнасць з Указам Прэзідэнта Рэспублікі Беларусь ад 6 чэрвеня 2025 г. № 227 «Аб павышэнні эфектыўнасці кантрольнай (нагляднай) дзейнасці».

У прыватнасці, прадугледжана зацвярджэнне палажэнняў аб вызначэнні памеру падаткаў, збораў (пошлін), што належаць да выплаты ў бюджэт, аб правядзенні кантрольных закупак, аб парадку вымання касавага абсталявання для тэхнічнага асведчання і аб парадку ўліку кантралюючымі (нагляднымі) органамі выдадзеных прадпісанняў на правядзенне праверак.

Таксама вызначаны пералікі органаў, упаўнаважаных на ажыццяўленне кантролю (нагляду), кантралюючых (наглядных) органаў або сфер кантролю (нагляду), якія прымяняюць або ў якіх прымяняюцца кантрольныя спісы пытанняў (чэк-лісты), а таксама дакументаў, якія прадстаўляюцца ў дадзеныя органы індывідуальнымі прадпрымальнікамі, што з'яўляюцца плацельшчыкамі адзінага падатку.

Устаноўлены пералік прафілактычных мерапрыемстваў, абавязковых для правядзення кантралюючымі органамі, і мер папярэдняга характару, парадку правядзення дадзеных мерапрыемстваў, а таксама крытэрыі ацэнкі эфектыўнасці дзейнасці.