Патрабаванні да добраўпарадкавання паверхневых водных аб'ектаў

Патрабаванні да добраўпарадкавання паверхневых водных аб'ектаў уключаюць санітарную ачыстку, расчыстку рэчышчаў, умацаванне берагоў, аднаўленне дна, зарыбленне і азеляненне прыбярэжных зон. Работы накіраваны на падтрыманне водагаспадарчых сістэм, прадухіленне забруджвання, барацьбу з інвазіўнымі раслінамі і стварэнне рэкрэацыйнай інфраструктуры, пры гэтым строга забаронены скід адходаў у ваду.

Санітарная ачыстка паверхневых водных аб'ектаў адносіцца да пытання па ўтрыманні паверхневых водных аб'ектаў у належным стане і іх добраўпарадкаванні, якое рэгулюецца ў сукупнасці Водным кодэксам Рэспублікі Беларусь (далей – Водны кодэкс), Кодэксам Рэспублікі Беларусь аб зямлі, Кодэксам Рэспублікі Беларусь аб архітэктурнай, горадабудаўнічай і будаўнічай дзейнасці.

У адпаведнасці з артыкулам 27¹ Воднага кодэкса ўтрыманне паверхневых водных аб'ектаў у належным стане і іх добраўпарадкаванне забяспечваецца:

— мясцовымі выканаўчымі і распарадчымі органамі на землях агульнага карыстання і землях запасу;
— юрыдычнымі асобамі і грамадзянамі, у тым ліку індывідуальнымі прадпрымальнікамі, якія ажыццяўляюць карыстанне паверхневымі воднымі аб'ектамі на праве адасобленага і (або) спецыяльнага водакарыстання, арэнды і (або) у якіх паверхневыя водныя аб'екты размешчаны ў межах зямельных участкаў, прадастаўленых ім ва ўстаноўленым парадку.

Забеспячэнне належнага стану паверхневых водных аб'ектаў, добраўпарадкаванне паверхневых водных аб'ектаў ажыццяўляецца за кошт сродкаў мясцовых бюджэтаў, уласных сродкаў водакарыстальнікаў і іншых крыніц, не забароненых заканадаўствам.

Экалагічныя патрабаванні па забеспячэнні належнага стану паверхневых водных аб'ектаў і іх добраўпарадкаванні, уключаючы пералік работ, вызначаны экалагічнымі нормамі і правіламі ЭкаНП 17.06.08-003-2022 ”Ахова навакольнага асяроддзя і прыродакарыстанне. Гідрасфера. Патрабаванні па забеспячэнні належнага стану паверхневых водных аб'ектаў і іх добраўпарадкаванні“, зацверджанымі пастановай Міністэрства прыродных рэсурсаў і аховы навакольнага асяроддзя Рэспублікі Беларусь (далей – Мінпрыроды) ад 11.03.2022 № 2-Т.

Канкрэтныя віды работ вызначаюцца ў складзе комплексу мерапрыемстваў, накіраваных на забеспячэнне належнага стану паверхневых водных аб'ектаў, якія распрацоўваюцца з прыцягненнем спецыялізаваных арганізацый, што ажыццяўляюць дзейнасць у галіне аховы навакольнага асяроддзя.

Пералік спецыялізаваных арганізацый, якія могуць прыцягвацца для распрацоўкі комплексу мерапрыемстваў, накіраваных на ўтрыманне паверхневых водных аб'ектаў у належным стане, зацверджаны пастановай Мінпрыроды ад 09.03.2022 № 22.

Звяртаем увагу, што парадак арганізацыі і выканання работ фізічнымі асобамі па ўтрыманні паверхневых водных аб'ектаў у належным стане і іх добраўпарадкаванні, а таксама для выканкамаў устаноўлены адпаведным рэгламентам, які накіраваны Мінпрыроды ў выканаўчыя камітэты для рэалізацыі (ліст Мінпрыроды ад 08.04.2025 № 9-2-3/2356).

Арганізацыя работ па ўтрыманні паверхневых водных аб'ектаў у належным стане і іх добраўпарадкаванні ўключае наступныя этапы:

— правядзенне ацэнкі стану паверхневых водных аб'ектаў;
— распрацоўка праектнай дакументацыі або комплексу мерапрыемстваў, накіраваных на ўтрыманне паверхневых водных аб'ектаў у належным стане (далей – комплекс мерапрыемстваў);
— атрыманне дазволаў (у мясцовых выканаўчых і распарадчых органах);
— непасрэднае выкананне работ (ачыстка, добраўпарадкаванне) і наступны маніторынг.

Ацэнка стану паверхневага воднага аб'екта праводзіцца шляхам візуальнага яго абследавання, уключаючы агляд стану тэрыторыі, прылеглай да паверхневага воднага аб'екта. Вынікі абследавання адлюстроўваюцца ў акце.

У выпадку, калі па выніках абследавання патрабуецца санітарная ачыстка паверхневага воднага аб'екта, аднаўленне яго гідралагічнага рэжыму, а таксама патрабуецца выяўленне іншых прычын пагаршэння стану паверхневага воднага аб'екта, неабходна прыцягненне спецыялізаванай арганізацыі для дадатковага абследавання і распрацоўкі комплексу мерапрыемстваў.

Азнаёміцца з поўнай інфармацыяй, а таксама знайсці рэгламенты па ўтрыманні водных аб'ектаў, можна тут.

Галерэя выяў