Беларусь мяняе падыход да абыходжання з адходамі

Міністэрства прыродных рэсурсаў рыхтуецца стаць адзіным каардынатарам у сферы новай сістэмы абыходжання з адходамі. Ужо распрацаваны праект закона, які перадасць Мінпрыроды паўнамоцтвы па кіраванні адходамі і другаснымі матэрыяльнымі рэсурсамі.

Галоўны акцэнт – на цыфравізацыю.

Ужо ідуць работы па стварэнні аўтаматызаванай сістэмы ўліку, якая забяспечыць празрыстасць даных і кантроль. Яе ўкараненне плануецца завяршыць у другім квартале 2026 года.

Стратэгія па абыходжанні з адходамі вытворчасці і спажывання да 2040 года ставіць амбіцыйную мэту: перапрацоўваць не менш за 90% адходаў. І дасягацца гэта будзе ў тры этапы.

Першы этап: давядзенне да 2030 года ўзроўню выкарыстання цвёрдых камунальных адходаў да адзнакі не ніжэй за 70%.

Другі этап: давядзенне да 2035 года ўзроўню выкарыстання адходаў у вытворчасці (за выключэннем буйнатанажных) не ніжэй за 90%

Трэці этап: давядзенне да 2040 года ўзроўню выкарыстання ў тым ліку і цвёрдых камунальных адходаў да адзнакі не ніжэй за 90%.

Асаблівая ўвага пры рэалізацыі Стратэгіі будзе нададзена ўпакоўцы. Прама зараз Дзяржстандарт распрацуе 22 новыя дакументы, якія накіраваны на тое, каб зрабіць упакоўку тавараў максімальна прыдатнай для перапрацоўкі. Гэтая Праграма разлічана да 2029 года.