Прафілактычныя мерапрыемствы ў кантрольнай дзейнасці Рэспублікі Беларусь

Прафілактычныя мерапрыемствы ў кантрольнай дзейнасці Рэспублікі Беларусь – гэта сістэма мер, накіраваная на стымуляванне добрасумленнага выканання заканадаўства, папярэджанне правапарушэнняў і зніжэнне адміністрацыйнай нагрузкі, якія ўключаюць у сябе:
- інфармацыйную і растлумачальную работу ў межах кампетэнцыі аб парадку выканання суб'ектамі патрабаванняў заканадаўства ў сферы кантрольнай (нагляднай) дзейнасці;
- інфармаванне суб'ектаў аб тыповых парушэннях, якія выяўляюцца кантралюючымі (нагляднымі) органамі падчас праверак, маніторынгаў, мерапрыемстваў тэхнічнага (тэхналагічнага, паверачнага) характару;
- інфармацыйна-асветніцкую работу з суб'ектамі: правядзенне семінараў (вебінараў), круглых сталоў, сустрэч у працоўных калектывах, дыялогавых пляцовак і іншых мерапрыемстваў па актуальных пытаннях у сферы кантрольнай (нагляднай) дзейнасці;
- інфармаванне шляхам размяшчэння на афіцыйным сайце кантралюючага (нагляднага) органа або яго вышэйстаячага органа ў глабальнай камп'ютарнай сетцы Інтэрнэт крытэрыяў ацэнкі ступені рызыкі для адбору правяраемых суб'ектаў пры правядзенні выбарачнай праверкі, вызначаных кантралюючым (наглядным) органам, а таксама анкет (іншых форм) для правядзення суб'ектамі самастойнага ўнутранага кантролю парадку і ўмоў ажыццяўлення дзейнасці;
- інфармацыю аб асноўных патрабаваннях заканадаўства да суб'ектаў у межах кампетэнцыі кантралюючага (нагляднага) органа (за выключэннем інфармацыі абмежаванага распаўсюджвання).
Дадзеныя мерапрыемствы з'яўляюцца ключавым элементам кантролю для забеспячэння законнасці.

Пералік прафілактычных мерапрыемстваў, абавязковых для правядзення кантралюючымі органамі пры рэалізацыі кантрольных (наглядных) функцый, парадак іх правядзення і меры папярэдняга характару вызначаны Пастановай Савета Міністраў Рэспублікі Беларусь ад 30 снежня 2025 г. № 802 «Аб пытаннях кантрольнай (нагляднай) дзейнасці».