Дахі дамоў сталі зонай павышанай небяспекі

Перапады тэмпературы і багатыя ападкі прыводзяць да ўтварэння галалёду і сосулек, а таксама да раптоўнага сыходу снегу.

Што важна ведаць і памятаць:

◽️Не хадзіце ўшчыльную да будынкаў. Старайцеся трымацца далей ад сцен дамоў, асабліва калі на даху бачны снег або сосулькі.

◽️Звяртайце ўвагу на папераджальныя знакі і агароджы. Яны выстаўлены не для фармальнасці, а каб засцерагчы вас ад траўм.

◽️Не праходзьце пад агароджанымі ўчасткамі, нават калі здаецца, што небяспекі няма.

◽️Не стайце пад балконамі, карнізамі і вадасцёкамі.

◽️Бацькам варта асабліва ўважліва сачыць за дзецьмі. Растлумачце ім, чаму нельга гуляць каля дамоў і збіваць сосулькі.

◽️Кіроўцам не рэкамендуецца паркаваць машыны ўшчыльную да будынкаў.