Навучанне заказнікаў працы ў сацыяльных сетках з мэтай прасоўвання экалагічнага турызму

У перыяд з 23 па 25 лютага 2026 года ў г. Мінску праходзіць трэнінг па навучанні заказнікаў працы ў сацыяльных сетках з мэтай прасоўвання экалагічнага турызму.

На працягу трох дзён прадстаўнікі 8 беларускіх заказнікаў («Азёры», «Асвейскі», «Чырвоны Бор», «Сіньша», «Налібоцкі», «Прыбужскае Палессе», «Званец» і «Котра») павысяць свае веды і практычныя навыкі працы па такіх напрамках, як:

• вядзенне сацыяльных сетак заказнікам, у тым ліку стварэнне і вядзенне профіляў / бізнес-акаўнтаў у сацсетках, стварэнне і публікацыя тэкставага, фота і відэа кантэнту, спосабы прыцягнення падпісчыкаў і інш.;
• наладка і запуск мэтавай рэкламы;
• выкарыстанне штучнага інтэлекту для мэт прасоўвання экатурызму;
• распрацоўка інфанагод для піяру;
• праца са СМІ і блогерамі;
• арганізацыя прэс-тураў;
• узаемадзеянне з бізнесам.

Набытыя падчас трэнінгу веды і практычны вопыт работы дазволяць значна павялічыць колькасць турыстаў, зрабіць заказнікі больш пазнавальнымі і прывабнымі для шырокай грамадскасці, а таксама будзе спрыяць развіццю ўстойлівага і экалагічна адказнага турызму.

Трэнінг праводзіцца ў рамках праекта міжнароднай тэхнічнай дапамогі «Развіццё экалагічнага турызму для садзейнічання зялёнаму пераходу да інклюзіўнага і ўстойлівага росту», які рэалізуецца Праграмай развіцця ААН у партнёрстве з Міністэрствам прыродных рэсурсаў і аховы навакольнага асяроддзя Рэспублікі Беларусь пры фінансавай падтрымцы Расійскай Федэрацыі.

Галерэя выяў