На тэрыторыі Віцебскай вобласці зафіксаваныя 3 выпадкі загаранняў у прыродных экасістэмах

На тэрыторыі Віцебскай вобласці зафіксаваны 3 выпадкі загаранняў у прыродных экасістэмах: па адным у Шумілінскім, Сенненскім і Чашніцкім раёнах.

Ратавальнікі нагадваюць: выпальваць сухую расліннасць катэгарычна забаронена. Гэта не толькі небяспечна, але і цягне за сабой адміністрацыйную адказнасць.

Памятайце, што нават невялікая іскра можа прывесці да маштабнага пажару.

Калі вы плануеце спаліць смецце на сваім участку, рабіце гэта толькі ў бязветранае надвор'е і пад пастаянным кантролем. Ідэальна выкарыстоўваць металічную ёмістасць, размешчаную воддаль ад пабудоў. Абавязкова трымайце побач сродкі тушэння: вядро з вадой і лапату.

Памятайце: бестурботнасць можа прывесці да трагедыі!