Сусветны дзень водных рэсурсаў

У краіне надаецца вялікая ўвага пытанням забеспячэння бесперапыннага і якаснага водазабеспячэння, вядзецца работа па паляпшэнні экалагічнага стану водных рэсурсаў. Разам з тым водныя рэсурсы з'яўляюцца аднымі з самых уразлівых кампанентаў прыроднага асяроддзя і могуць быць падвергнуты значнаму ўздзеянню з шырокімі наступствамі як для грамадства, так і для экасістэм.

Асноўныя напрамкі дзейнасці ў галіне аховы вод, у тым ліку і ў Віцебскай вобласці, уключаюць маніторынг і ацэнку экалагічнага стану паверхневых водных аб'ектаў, рэалізацыю мерапрыемстваў па скарачэнні скіду ў паверхневыя водныя аб'екты забруджвальных рэчываў у складзе сцёкавых вод (рэканструкцыя і будаўніцтва ачышчальных збудаванняў), тым самым прадухіляючы забруджванне паверхневых вод, мерапрыемстваў, накіраваных на прадухіленне забруджвання падземных вод (ліквідацыйны тампанаж невыкарыстоўваемых свідравін, вывад з эксплуатацыі палёў фільтрацыі) і многае іншае.

Згодна з данымі маніторынгу паверхневых вод экалагічны стан водных аб'ектаў у межах вобласці ў цэлым ацэньваецца як дастаткова спрыяльны, якасць вод асноўных рэк вобласці застаецца стабільнай на працягу апошніх гадоў.

Пастаянныя назіранні, распрацоўка і своечасовая рэалізацыя комплексу розных мерапрыемстваў на ўсіх узроўнях, эфектыўнае ўзаемадзеянне ўсіх удзельнікаў водных адносін дазволяць захаваць самы важны рэсурс і забяспечыць якасны стан паверхневых і падземных вод, навакольнага асяроддзя ў цэлым. Кожны чалавек можа ўнесці свой уклад, каб зберагчы і захаваць ваду – гэты каштоўны дар для нашай планеты і для будучых пакаленняў.

20 сакавіка 2026 года ў г. Мінску, на базе Рэспубліканскага ўнітарнага прадпрыемства «Цэнтральны навукова-даследчы інстытут комплекснага выкарыстання водных рэсурсаў» адбудзецца IV Міжнародная навукова-практычная канферэнцыя «Актуальныя пытанні эфектыўнага і комплекснага выкарыстання водных рэсурсаў», прымеркаваная да Сусветнага дня водных рэсурсаў.

У канферэнцыі прымуць удзел прадстаўнікі Мінпрыроды, яго тэрытарыяльных органаў і падпарадкаваных арганізацый, а таксама навуковых арганізацый, устаноў адукацыі і іншых арганізацый.