30 гадоў з дня заснавання рэспубліканскага ландшафтнага заказніка «Сіньша»

У Расонскай цэнтральнай бібліятэцы прайшло ўрачыстае мерапрыемства, прысвечанае значнай экалагічнай даце – 30-годдзю з дня заснавання рэспубліканскага ландшафтнага заказніка «Сіньша».

Сустрэча аб'яднала тых, хто стаіць на варце прыроднага багацця рэгіёна і неабыякавых да пытанняў экалогіі.

Галоўнымі спікерамі выступілі спецыялісты

дзяржаўнай прыродаахоўнай установы «ЭКА-РОСЫ» і галоўны

спецыяліст раённай інспекцыі прыродных рэсурсаў і аховы навакольнага асяроддзя.

Спецыялісты ДПУ расказалі пра стварэнне заказніка і пра тое, як за тры дзесяцігоддзі ўдалося захаваць унікальныя азёрныя сістэмы і рэдкія віды флоры і фаўны.

Галоўны спецыяліст раённай інспекцыі асвятліла актуальныя пытанні аховы запаведных тэрыторый і важнасць выканання прыродаахоўнага заканадаўства.

Мерапрыемства суправаджалася тэматычнай кніжнай выставай і паказам відэаматэрыялаў пра першародную прыгажосць Расонскага краю. Арганізатары падкрэслілі, што за 30 гадоў заказнік стаў не проста ахоўнай зонай, а сапраўдным гонарам раёна.

Галерэя выяў