Пытанням навядзення парадку на зямлі ў Расонскім раёне надавалася і надаецца самая пільная ўвага.

Добраўпарадкаванне і навядзенне парадку на зямлі − гэта штодзённая сістэматычная праца, карпатлівы і працаёмкі працэс. Для падтрымання парадку на тэрыторыях населеных пунктаў, месцаў адпачынку і іншых аб'ектаў раёна аб'яднанымі намаганнямі арганізацый і насельніцтва затрачваецца нямала працоўных і фінансавых рэсурсаў.

Для вырашэння дадзеных задач акрамя штодзённых мерапрыемстваў па ўборцы тэрыторый, вывазе адходаў, у раёне зацверджаны план мерапрыемстваў па навядзенні парадку на зямлі і добраўпарадкаванні населеных пунктаў на 2026 год.

Гэта цэлы комплекс мерапрыемстваў па стварэнні больш камфортных умоў для жыццядзейнасці чалавека, уключаючы:

пасадку дрэў, кустоў, высадку кветак;
рамонт вулічна-дарожнай сеткі населеных пунктаў;
знос старых будынкаў;
ўстаноўку і рамонт кантэйнераў для збору камунальных адходаў;
і многія іншыя работы.

Асаблівая ўвага надаецца:

уборцы і азеляненні тэрыторый населеных пунктаў, двароў, вуліц, паркаў, зон адпачынку і іншых аб'ектаў сацыяльна-бытавога і культурнага прызначэння;
добраўпарадкаванні мемарыяльных комплексаў, месцаў баявой і воінскай славы;
добраўпарадкаванні тэрыторый, прылеглых да аўтамабільных дарог;
ліквідацыі несанкцыянаваных звалак;
навядзенні парадку на тэрыторыях арганізацый;
рамонце вулічна-дарожнай сеткі, уездаў у двары.