Удасканаленне прававога рэгулявання адносін, якія ўзнікаюць у сувязі з геалагічным вывучэннем нетраў і здабычай карысных выкапняў

⚡️ Дэпутаты прынялі ў другім чытанні праект Закона «Аб змяненні законаў па пытаннях нетрадаскарыстання».

Даведка. Праектам Закона, у прыватнасці, прадугледжваюцца:

• замацаванне кампетэнцыі Прэзідэнта Рэспублікі Беларусь на ўстанаўленне асаблівасцей прававога рэгулявання адносін, што рэгламентуюцца Кодэксам аб нетрах;
• надзяленне Савета Міністраў паўнамоцтвамі па вызначэнні парадку размяшчэння, распрацоўкі, рэкультывацыі і ўліку унутрыгаспадарчых кар'ераў, здабычы карысных выкапняў на паверхневых водных аб'ектах (вадатоках), а таксама на ўстанаўленне парадку правядзення дзяржаўнай экспертызы геалагічнай інфармацыі, у тым ліку патрабаванняў да заключэння дадзенай экспертызы і парадку яго зацвярджэння;
• узлажэнне на мясцовыя органы ўлады абавязку па кансервацыі, ліквідацыі горных прадпрыемстваў і выпрацовак, падземных збудаванняў, не звязаных са здабычай карысных выкапняў, рэкультывацыі парушаных земляў у выпадку немагчымасці ўстанаўлення нетрадаскарыстальніка;
• устанаўленне абавязкаў для нетрадаскарыстальнікаў па вядзенні ўліку карысных выкапняў, што здабываюцца адкрытым спосабам, з прымяненнем узважваючых прылад, размешчаных у месцах іх здабычы, па прадстаўленні ў Міністэрства прыродных рэсурсаў і аховы навакольнага асяроддзя справаздачнасці аб выкананні геолагаразведачных работ і прыросте запасаў карысных выкапняў;
• удасканаленне парадку ўзнікнення, прыпынення і спынення права карыстання нетрамі, падаўжэння гэтага тэрміну карыстання;
• замацаванне кампетэнцыі выканкамаў базавага ўзроўню на прыняцце рашэнняў, якія дазваляюць рэалізацыю здабытых з унутрыгаспадарчых кар'ераў проста распаўсюджаных карысных выкапняў.

?? Прэзідэнт Беларусі неаднаразова падкрэсліваў асаблівае значэнне ўласных мінеральна-сыравінных рэсурсаў, ставіў задачу інтэнсіўна асвойваць радовішчы, эфектыўна здабываць і перапрацоўваць сыравіну.

❗️ Як адзначыў Старшыня Палаты прадстаўнікоў Ігар Сяргеенка, законапраект «Аб змяненні законаў па пытаннях нетрадаскарыстання» і быў распрацаваны з мэтай удасканалення прававога рэгулявання пытанняў, звязаных з геалагічным вывучэннем нетраў, здабычай і перапрацоўкай карысных выкапняў, з улікам правапрымяняльнай практыкі.