Што важна памятаць пра патрабаванні да кантэйнерных пляцовак для збору камунальных адходаў

Згодна ТКП 17.11-08-2024 «Ахова навакольнага асяроддзя і прыродакарыстанне. Тэхнічныя патрабаванні да абыходжання з камунальнымі адходамі», кантэйнерныя пляцоўкі для збору камунальных адходаў павінны адпавядаць наступным патрабаванням:

мець цвёрдае воданепранікальнае пакрыццё;

мець пад'езды для транспартных сродкаў, якія ажыццяўляюць вываз КА;

мець агароджу з трох ці чатырох бакоў на вышыню вышэй за кантэйнеры для збору КА, але не менш за 1,5 м з функцыянальнага і эстэтычнага матэрыялу, які забяспечвае ветраахову. Пры агароджы з чатырох бакоў пляцоўкі павінны забяспечваць бесперашкодную выкатку кантэйнераў.

Агароджа можа не выконвацца пры ўладкаванні кантэйнераў заглыбленага тыпу і (або) усталёўцы на пляцоўцы закрытых кантэйнераў, якія маюць канструкцыю «вечка ў вечку».

памеры кантэйнерных пляцовак павінны быць дастатковымі для размяшчэння кантэйнераў для збору КА. Неабходная колькасць кантэйнераў для збору КА, устаноўленых на кантэйнернай пляцоўцы, вызначаецца нарматывам утварэння камунальных адходаў, перыядычнасцю вывазу і колькасцю жыхароў;

утрымлівацца ў чысціні.

Кантэйнерныя пляцоўкі могуць быць абсталяваны навесам.

Забараняецца складаваць камунальныя адходы на тэрыторыі, прылеглай да кантэйнернай пляцоўкі.

Не дапускаецца размяшчэнне кантэйнераў па-за межамі кантэйнерных пляцовак, за выключэннем уладкавання кантэйнераў заглыбленага тыпу і (або) усталёўкі закрытых кантэйнераў для збору другасных матэрыяльных рэсурсаў, устаноўленых на цвёрдым воданепранікальным пакрыцці.

Устаноўленыя па-за межамі кантэйнерных пляцовак кантэйнеры для збору другасных матэрыяльных рэсурсаў па заканчэнні тэрміну эксплуатацыі падлягаюць замене на кантэйнеры з канструкцыяй «вечка ў вечку».