Памяць, што ажыла на экране

З 16 красавіка ў Беларусі пачынаецца прэм’ерны паказ нацыянальнага фільма «Чарнобыль. Жывая зямля».

Стварэнне фільма Нацыянальнай кінастудыяй «Беларусьфільм» прымеркавана да 40-годдзя аварыі на Чарнобыльскай АЭС — адной з найбуйнейшых тэхнагенных катастроф у гісторыі чалавецтва.

Мы ўбачым, як зямля, што перажыла выпрабаванне, працягвае жыць праз 40 гадоў з дня адной з самых страшных тэхнагенных катастроф у гісторыі.

Гісторыя Чарнобыля — гэта агульная памяць, якая аб’ядноўвае і тых, хто памятае падзеі 1986 года, і моладзь, якая будуе будучыню краіны сёння.

Відавочцы тых падзей — ратавальнікі, медыкі, навукоўцы, работнікі прамысловых і сельскагаспадарчых прадпрыемстваў — раскажуць гледачам гераічную гісторыю ліквідацыі аварыі на Чарнобыльскай АЭС, шляхі адраджэння жыцця ў пацярпелых рэгіёнах Беларусі. У 39-хвіліннай кінастужцы аўтары прадставяць фрагменты ўсенароднай працы па пераадоленні наступстваў аварыі і адраджэнні беларускіх земляў.

Прэм’ера фільма «Чарнобыль. Жывая зямля» адбудзецца 16 красавіка.