Электрычнае і электроннае абсталяванне стала самым хуткарослым патокам адходаў на планеце!

Штогод іх утвараецца каля 62 млн тон. Прагназуецца, што да 2050 года паказчык вырасце да 120 млн тон.

Пакуль вітрыны маняць новымі смартфонамі і ноўтбукамі, дома ў многіх назапашваюцца старыя гаджэты. Рабочую тэхніку, здольную служыць гадамі, мяняюць толькі таму, што выйшла чарговая навінка. Сярэдні тэрмін службы смартфона сёння – усяго 1–2 гады. Нам унушаюць: леташняя мадэль – прыкмета няўдачы. Дарагавізна ад пакупак не спыняе – у ход ідуць крэдыты і пазыкі. Ці варта яно таго?

Электронныя дэвайсы з сімвала прагрэсу ператвараюцца ў экалагічны выклік. Унутры электронікі часта ўтрымліваюцца ртуць, свінец, кадмій, хром. Пры няправільнай утылізацыі яны трапляюць у глебу і ваду, а пры спальванні таксічныя рэчывы выдзяляюцца ў паветра.

Сартаванне адходаў і наступная перапрацоўка – адзіны спосаб знізіць негатыўны ўплыў e-waste.

Галерэя выяў