Россонская раённая інспекцыя прыродных рэсурсаў і аховы навакольнага асяроддзя заклікае ўсіх неабыякавых прыняць удзел у экалагічнай акцыі па добраўпарадкаванні тэрыторый ля значных водных аб'ектаў!

У красавіку ў Беларусі пройдзе маштабная экалагічная ініцыятыва «Беларусь сінявокая».

Экалагічная акцыя заклікана захаваць прыродную спадчыну краіны — яе маляўнічыя азёры і рэкі.

Акцыя ініцыявана Дзяржаўнай інспекцыяй аховы жывёльнага і расліннага свету пры Прэзідэнце Рэспублікі Беларусь, падтрымана Міністэрствам прыродных рэсурсаў і аховы навакольнага асяроддзя Рэспублікі Беларусь, мясцовымі выканаўчымі і распарадчымі органамі.

Мэта акцыі — навесці парадак, добраўпарадкаваць тэрыторыі, прылеглыя да сацыяльна значных водных аб'ектаў, і нагадаць грамадству аб важнасці беражлівых адносін да прыроды. Забруджванне берагоў пластыкам, бытавым смеццем і іншымі матэрыяламі не толькі псуе эстэтыку ландшафтаў, але і наносіць шкоду экасістэмам.