Не дазваляйце выпальвання сухой расліннасці!

Расонская раённая інспекцыя прыродных рэсурсаў і аховы навакольнага асяроддзя заклікае не дапускаць выпальвання сухой расліннасці! Звяртаем увагу, што згодна: Кодэксу Рэспублікі Беларусь аб адміністрацыйных правапарушэннях ад 6 студзеня 2021 г. № 91-З (КААП): за незаконнае выпальванне сухой расліннасці, траў на корані, а таксама стэрні і пажніўных рэшткаў на палях, альбо непрыняцце мер па ліквідацыі прыпалаў вінаватыя асобы прыцягваюцца да адміністрацыйнай адказнасці ў выглядзе штрафу ў памеры ад дзесяці да трыццаці базавых велічынь (артыкул 16.40); за развядзенне вогнішчаў у забароненых месцах, за выключэннем парушэнняў патрабаванняў пажарнай бяспекі, адказнасць за якія прадугледжана іншымі артыкуламі Асаблівай часткі названага Кодэкса, цягне накладанне штрафу ў памеры да дванаццаці базавых велічынь (артыкул 16.41); пастанове Савета Міністраў Рэспублікі Беларусь ад 11 красавіка 2022 г. № 219 «Аб таксах для вызначэння памеру пакрыцця шкоды, прычыненай навакольнаму асяроддзю, і парадку яго разліку» незаконнае выпальванне сухой расліннасці, траў на корані (акрамя газонаў, кветнікаў, лясной падсцілкі, жывога напольнага покрыва), а таксама стэрні і пажніўных рэшткаў, з'яўляецца фактам прычынення шкоды навакольнаму асяроддзю і прадугледжвае грамадзянска-прававую адказнасць. Інспекцыяй пры ажыццяўленні кантрольнай дзейнасці асаблівая ўвага надаецца пытанням пажарнай бяспекі ў прыродных экасістэмах, недапушчэння выпальвання сухой расліннасці ў рэгіёне.