Пачынаецца 1-ы этап рэспубліканскага конкурсу на лепшую публікацыю на экалагічную тэматыку

Агульнае кіраўніцтва падрыхтоўкай і правядзеннем конкурсу ажыццяўляецца Міністэрствам прыродных рэсурсаў і аховы навакольнага асяроддзя Рэспублікі Беларусь. Конкурс праводзіцца ў намінацыі «Наш агульны дом», у якой прадстаўляюцца нарысы, артыкулы, рэпартажы, агляды, малюнкі, замалёўкі, заўвагі і каментарыі аб беражлівых адносінах да прыроды, навядзенні парадку на зямлі, добраўпарадкаванні тэрыторый населеных пунктаў, абыходжанні з адходамі, ахове водных рэсурсаў, атмасфернага паветра, жывёльнага і расліннага свету, укараненні новых тэхналогій у галіне аховы навакольнага асяроддзя, захаванні помнікаў прыроды і іншыя матэрыялы па пытаннях аховы навакольнага асяроддзя і рацыянальнага выкарыстання прыродных рэсурсаў. Конкурс праводзіцца з 15 мая па 5 жніўня ў 2 этапы: 1. 15 мая – 15 ліпеня (гарадскі этап); 2. 16 ліпеня – 5 жніўня (рэспубліканскі этап). У конкурсе прымаюць удзел фізічныя асобы ў наступных катэгорыях: • навучэнцы; • аматары; • прафесіяналы. Да ўдзелу ў конкурсе дапускаюцца работы, апублікаваныя ў перыядычных друкаваных выданнях у перыяд з 15 мая 2025 года да 15 мая 2026 года. Кожная работа, якая прадстаўляецца на конкурс, суправаджаецца інфармацыйным лістом удзельніка конкурсу з указаннем намінацыі конкурсу, прозвішча, імя, імя па бацьку і ўзросту аўтара, паштовага адрасу і тэлефона. Конкурсныя работы павінны быць прадстаўлены ў выглядзе газетнай або журнальнай выразкі, яе электроннай копіі, альбо ў выглядзе рукапіснага або друкаванага тэксту, яго электроннай копіі з абавязковым указаннем назвы перыядычнага друкаванага выдання, у якім гэтая работа была раней апублікавана, нумара і даты выпуску. Асобы, якія жадаюць прыняць удзел у конкурсе, у тэрмін да 15 мая 2026 года накіроўваюць работы ў Віцебскі абласны камітэт прыродных рэсурсаў і аховы навакольнага асяроддзя з паметкай «На рэспубліканскі конкурс на лепшую публікацыю на экалагічную тэматыку». Па выніках першага этапу конкурсу Віцебскі абласны арганізацыйны камітэт вызначае пераможцаў у намінацыі па катэгорыях і накіроўвае ў Мінпрыроды работы, якія занялі першае, другое і трэцяе месца на першым этапе конкурсу. Пераможцы першага этапу конкурсу ўзнагароджваюцца грашовымі прэміямі ў наступных памерах: • за першае месца – 6 базавых велічынь; • за другое месца – 4 базавыя велічыні; • за трэцяе месца – 3 базавыя велічыні. Пераможцы другога этапу конкурсу ўзнагароджваюцца дыпломамі і грашовымі прэміямі ў наступных памерах: • за першае месца – да 31 базавай велічыні; • за другое месца – да 25 базавых велічынь; • за трэцяе месца – да 20 базавых велічынь.